WAEBRANIA 2:1 - Biblia Ilagho Jiboie Kwa Wandu Wose

¹ Kwa huwo, suti diriwadie nandighi iro maza dirisikire, disechewuya nyuma.

WAEBRANIA 2:1 Referans Kwoze

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

WUKUMBUSO 4:9

Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

2 PETRO 3:1

Barua ihi namuandikia ni ya kawi wakundwa, nani kwa barua rose, narinyavurisha nia renyu kwa kumkumbusa;

2 PETRO 1:15

Nani nichatima seji nichaadima kumtesia, eri nyuma ya kufwa kwapo, mdime kurikumbuka maza iri ngelo iyo yose.

MAKATANISHO 3:21

Mwana wapo, wadia hikima ndicha na suku; lindia risekulaghaye.

ZABURI 119:9

Mdawana udima wada kukaia na irangi jielie? Ni kwa kuriwadia Sharia rako.

1 MALAGHO GHA NGELO 22:13

Kawona kwariwadia nicha sharia na mafundisho agho BWANA oremlaghirieghe Musa kwa wundu ghwa Israeli, kuchapata mecha. Kaia na ndighi na ngolo mbaa. Kusakeobua hata kusengilo ni kiture chingi.

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

MARKO 8:18

Meso mwawadie ela ndemmbonagha, na madu mwawadie ela ndemsikiragha, hata ndemkumbukagha?

MATHAYO 16:9

Hata na iji ndemtambukilwagha? Ndemkumbukagha ija mikate misanu nereichikanyireghe kwa wandu elfu isanu, na vikapu ni vilinga va masighariko gha mikate moretumbanyireghe?

WUKUMBUSO 4:23

Mkulindie, msecheliwa ilaghano ja BWANA Mlungu onyu, ijo orebonyereghe nenyo, nao m'bonye fwana riwachilo rifwanane na kilambo chingi icho BWANA Mlungu onyu umkanie.

HABAKUKI 2:16

Na oho wokoni kuchafushwa waya nandighi wulalo ghopata ishima. Kuchanywa hata kutatarike. BWANA uchakubonya kunyo kikombe chako chekabwa, na ishima jako jichaghaluswa jiwuye waya.

LUKA 9:44

“Deghenyi madu msikire agha malagho nicha; Mwana wa Mdamu uchafunywa mikonunyi kwa wandu.”

HABAKUKI 1:6

Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.

JOHANE 8:59

Nao wikashoa magho wimlase, ela Jesu ukakuvisa, ukafuma Hekalunyi.