WAEBRANIA 13:8 - Biblia Ilagho Jiboie Kwa Wandu Wose

⁸ Jesu Kristo nuo moni ighuo, na idime, na hata kwa kala na kala.

WAEBRANIA 13:8 Referans Kwoze

MALAKI 3:6

“Ini ne BWANA sighalukagha. Na inyo ee kivalwa cha Jakobo, ndemchaamerelwa putu anduangi.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WAEBRANIA 1:12

Oho kucharikucha sa ikoti naro richaghaluswa sa nguwo. Ela oho kwadua wokoni; na miaka yako, ndeiwadie kutua kungi anduangi.”

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ZABURI 90:2

Imbiri kuseumbie mighondi angu ndoenyi na wurumwengu, oho korekoghe; sena kuchadua kwa kala na kala.

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ISAYA 41:4

Nani ubonyere maza iri rikaie seji riko, ukipanga malagho kivalwa hata kivalwa? Ini BWANA, wa imbiri, na wa kutua, ni Ini.

ZABURI 90:4

Miaka elfu kwako ni sa ituku jimweri; ni sa ighuo imerie kuida, ni sa izughe jimu ja nakio.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

2 WAKORINTHO 1:19

Angu Mwana wa Mlungu Jesu Kristo, uo deremchilieghe konyu, ini, na Silvano, na Timotheo, si wa “Hee” na “Hata” anduangi; ela andenyi kwake ni “Hee” matuku ghose.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

KUZOYA 21:33

Abrahamu ukawa mkwachu aho Beer-sheba, ukamtasa BWANA Mlungu wa kala na kala.

KUFUMA 3:14

Mlungu ukamzera Musa, “INI NEKO UO UKO. Kuwizere wana wa Israeli huwu, ‘INI NEKO waniduma konyu.’”

2 WAKORINTHO 1:20

Angu malaghiro ghose gha Mlungu gheeka na “Hee” andenyi kwake. Kwa wundu ughu, niko isi dighoragha Amen kwa irina ja Jesu Kristo, kwa wubaa ghwa Mlungu.

JUDA 1:25

kwa uo Mlungu uekeri, Mkiri odu kwa chia ya Jesu Kristo Bwana odu, ndeghukaie wubaa, na wuzuri, na kubonya nguma, na kudima, imbiri ya ngelo rose, idana, hata kwa kala na kala. Amen.