WAEBRANIA 13:6 - Biblia Ilagho Jiboie Kwa Wandu Wose

⁶ Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

WAEBRANIA 13:6 Referans Kwoze

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

ZABURI 124:8

Wutesia ghodu ghuafuma kwa BWANA; uo ubonyere mlungunyi na ndoenyi.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

ZABURI 56:4

Neemrumiria Mlungu, sina wowa; naawuyamkasa kwa wundu ghwa ilagho jake. Mdamu wadima kunibonya wada?

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

ZABURI 54:4

Ela Mlungu ni mtesia wapo, BWANA nuo wawuyanimangisha irangi japo.

ZABURI 33:20

Isi dadamsuwiria BWANA, nuo mlindiri na mtesia odu.

ZABURI 63:7

Kwa kukaia oho korekoghe mtesia wapo, nichabora kwa kuboilwa aisi ya kiju cha mawawa ghako.

ZABURI 94:17

Ngera BWANA usereniteserieghe, kumangu namerie kughenda shwa cha isanga ja awo winyamishiro ni kifwa.

ZABURI 40:17

Ini ne mkiwa usowagha, ela oho BWANA kwadaniririkanya. Oho ko mtesia wapo na mkiri wapo, kusemuke kunitesia ee Mlungu wapo.

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

ISAYA 41:14

Bwana waghamba, “Msakeobua inyo wana wa Jakobo msewadie ndighi, ee, inyo wandu wa Israeli. Nichamtesia, Mkomboli onyu ni Mlungu Mweli wa Israeli.

ZABURI 27:9

kusakekuvisa nisekuwone.” Kusakeniwinga kwa machu mdumiki wako, oho kudue mtesia wapo. Kusakenida, kusakenisigha, ee Mlungu Mkiri wapo.

ZABURI 146:3

Kusakekusaghika kwa wabaa, uo mdamu usedimagha kukutesia.

WUKUMBUSO 33:26

Wandu wa Israeli, ndekuwadie mlungu ghungi ghuko sa Mlungu onyu, uidagha mlungunyi kwa wubaa ghwake, uidagha aghadi ya mawingu upate kumvuvua.

KUFUMA 18:4

na irina ja mzima orewangiloghe Eliezeri, (angu oreghambieghe, “Mlungu wa aba waniteserie, na ukanikira na lufu lwa Farao.”)

WAEBRANIA 10:19

Kwa huwu wanidu, deko na wuwana ghongia Andu kwa Wueli kwa bagha ya Jesu;

1 SAMUELI 23:17

Ukamzera, “Kusakeobua, aba ndechaadima kukubonya ilagho jingi; oho kuchakaia mzuri aighu ya Israeli, na ini nichakaia aisi yako; hata aba moni waichi huwo.”

1 WAZURI 17:8

Niko BWANA ukamzera Elija,