Biblia Todo Logo
Bib sou entènèt

- Piblisite -




WAEBRANIA 13:5 - Biblia Ilagho Jiboie Kwa Wandu Wose

5 Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

Gade chapit la Kopi




WAEBRANIA 13:5
46 Referans Kwoze  

BWANA nuo ukiriagha, nao uchakaia andwamweri na oho; ndechaakusigha, hata kukuda anduangi; kusekambo ni chongo.”


Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.


Mkaie mang'oni ghimange; msakewiobua, hata kukaia na kiture nawo; kwa kukaia ni BWANA Mlungu onyu wawuyaghendanya nenyo; ndechaamsigha hata kumuda anduangi.”


Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.


“Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.


Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.


Nerekoghe mwana na idana naghosia; ela jingi simmbonie mhachi ungi usighilo ni Mlungu, angu wana wake wikilomba vindo.


Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.


Ola neko andwamweri na oho kukuwika na kukulindia andu kose kuchaaghenda, nani nichakuwunja isanga iji; angu sichaakusigha hata nameria kujikatisha ijo nakulaghira.”


“Kwa huwu namzera, msakesumbukia irangi jenyu mchajaki, angu mchanywaki, angu kwa mumbi ghonyu mcharwaki. Welee, irangi ndajachumba vindo, na mumbi ndaghwachumba marwao anguwada?


Angu BWANA wadakunda hachi, ndechaawisigha waeli wake. Uchadua ukiwilindia wahachi, ela kivalwa cha wawiwi chichainjwa.


Kwa huwu msakeja wasi kwa wundu ghwa kesho, angu kesho ichakaia na wasi ghwake ghukate. Wasi ghwa kula ituku jimweri ghwakata.


Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;


Masikari nawo wikacha na kumkotia, “Na isi dibonya wada?” Ukawizera, “Msakemsoka mndungi kilambo chingi kwa ndighi, angu kwa chia ya kumzighiria kwa tee, nenyo mkato ni mishahara enyu.”


Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.


Kunineke bea ewadia sharia rako, kuchumba kupata mali.


Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.


useko mmbongeri, useko mundu wa wuda, ela mmboa; usekaie orasha wandu, hata ulakie na pesa.


Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.


Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.


Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.


Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.


Niko Musa ukacha ukakaia kwa uo mundu, nao ukamneka mwai wake Zipora ukaie mkake;


Ela kulaka, na maza rose riseelie, angu iriso; hata kughorwa koni viseghoro konyu seji koni iwifwane waeli wikaie.


Ela nedemwandikia ngimzera huwu: mserangane na mundu uwangwagha mwanidu iji wakaia mlaki, angu mundu wa iriso, angu mtasi milimu, angu mundu osholia, angu mmbongeri, angu kiting'a. Mundu ufwane huwo, msejanye nao putu.


Iri rerepotokieghe minjonyi, ni sa wandu wijisikiragha ilagho, ela wikighenda woruwu wachulwa ni maghesho na bea ra mali na maseko gha irangi iji, nao ndewiwurushagha matunda ghangi anduangi.


wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu.


“Kusakebonya iriso kwa nyumba ya mmbenyu, kusakebonya iriso kwa muka wa mmbenyu, hata kwa mzumba wake wa womi angu wa waka, hata kwa ng'ombe yake, hata kwa punda wake, hata kwa kilambo chingi chiko cha mmbenyu.”


Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.


vitoi, wandu wibonyagha iriso, wawongeri, wandu wisholiagha, hata viting'a, ndewichaapata ifwa ja wuzuri ghwa Mlungu anduangi.


Wikachulwa ni kula mbari ya wuwiwi; lubando, choyo, na kukita. Wachue iriso, kubwagha, kurashana, wukalo, kuzamiana; na kudedana.


Niendawona nguwo iboie kufuma Babuloni, kilo iwi ra feza, na kipande cha dhahabu cha nusu kilo, ngawadwa ni bea ngavishoa; ola navirikie andoenyi andenyi hemenyi kwapo, na feza reko nandonyi yaro.”


ukawizera, “Naawuyawona ndeyo ndewuyeniwona nicha sa iji orekoghe kiimbiri. Ela Mlungu wa aba orekoghe andwamweri nani.


Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.


Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.


Nani nichakaia aghadi ya wandu wapo Israeli, hata sichaawida anduangi.”


BWANA Mlungu odu ndekaie andwamweri nesi sa iji koni orekaieghe na weke wawa wedu; usakedisigha kuleghaditala.


Kukaie na hikima; kusekubwaghe na kazi wei kualola mali.


“Nani nichawilongoza vitungure kwa chia wiseiichi, nichawighenja kwa chia wisererimanyireghe. Nichachighalusa kira chiwue mwengere imbiri kwawo, na chia rizamie nicharighokesha. Agho nigho malagho nichaaghibonya, hata sichaakaia niseghikatishire anduangi.


“Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa;


datirirwa, ela ndedisighilo diekeri; daghushwa andonyi, ela ndeditoteshwagha anduangi.


Ukamtumbulia, “Niki kukunde nikuneke?” Jakobo ukatumbulia, “Ndekuchaanineka kindo chingi, ela nichakulishira na kukulindiria mfugho rako iji kwanibonyera huwu:


Swiv nou:

Piblisite


Piblisite