WAEBRANIA 12:12 - Biblia Ilagho Jiboie Kwa Wandu Wose

¹² Kwa huwo iwusirenyi mikonu yenyu iko minyonge na kuvifungisha ndighi vitemberu venyu vitewelekagha.

WAEBRANIA 12:12 Referans Kwoze

ISAYA 35:3

Ibonyerenyi ndighi iyo mikonu itewelekagha, na vitemberu visewadie ndighi.

WAEBRANIA 12:3

Mtalenyi uo orerumaghieghe kutangalwa kung'ane huwu ni wakaung'a, eri msechesilwa ni ndighi angu kufwa ngolo.

1 WATHESALONIKE 5:14

Idana wanidu damshashira muwikanie na kuwiwonyera awo wiko waghadi, muwikumbe ngolo awo wifwagha ngolo, muwitesie wanyonge, mkaie na irumaghio kwa wose.

EZEKIELI 21:7

Nawo wikakukotia, ‘Kwaki kusoriagha ngolo huwo?’ Kuwizere, ni kwa wundu ghwa maza rawuyacha. Rikacha, kula ngolo ichachulwa ni kiture, na mikonu ichateweleka; roho richadumbuka, na vitemberu vichaselwa ni mbogha. Ola iro maza riacha, naro richakatishwa.”

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

EZEKIELI 7:17

Mikonu yose ichateweleka, na vitemberu vose vichaselwa ni mbogha sa machi.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

ZABURI 109:24

Vitemberu vapo viateweleka kwa kufunga tumu; neesighwa maindi maduu.

ZEFANIA 3:16

Ngelo iyo wichaizera Jerusalemu: “Kusakeobua ee muzi ghwa Sioni! Mikonu yako isaketeweleka.