WAEBRANIA 11:7 - Biblia Ilagho Jiboie Kwa Wandu Wose

⁷ Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WAEBRANIA 11:7 Referans Kwoze

KUZOYA 6:13

Nao Mlungu ukamzera Nuhu, “Nachawona niwimeria wadamu wose, kwa kukaia wurumwengu ghose ghwachulwa ni wuwiwi ghwawo, nani nichawitoteshanya na ugho wurumwengu.

1 PETRO 3:20

iro rereleghieghe kusikira aho imbiri, iji Mlungu orekoghe ukiwesera kwa kurumaghia ngelo Nuhu orekoghe ukiagha safina; andenyi yaro, wandu watini, nawo ni wandu wunyanya, werekiriloghe machinyi.

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

WAROMA 4:13

Ilaghiro orenekeloghe Abrahamu na kivalwa chake, kukaia wichaghupata ifwa wurumwengu, nderelaghiriloghe uchaghupata ifwa wurumwengu kwa kuinugha Sharia, ela ni kwa chia etalilwa hachi ya irumirio.

LUKA 17:26

Sa iji koni gherekoghe matuku gha Nuhu, niko koni kuchaakaia matuku gha Mwana wa Mdamu.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

WAGALATIA 5:5

Angu isi dawesera ijo isuwirio ja hachi kwa chia ya Roho.

EZEKIELI 14:20

hata ngera Nuhu, na Danieli, na Ayubu wadakaia aho, sa iji ini Bwana MLUNGU nikaiagha moyo, naghamba, ndawadimagha kuwikira wana wawo wa womi hata wa waka; wadadima tu kukira marangi ghawo gheni kwa iyo hachi yawo.”

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAROMA 1:17

Angu hachi ya Mlungu yafunukulwa andenyi yaro kwa chia ya irumirio kuvikia irumirio; sa iji koni iandikilo, “Uo utalwagha kukaia na hachi kwa chia ya irumirio, uchakaia moyo.”

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

MAKATANISHO 27:12

Mundu uwadie suku wadawona ndengwa na kukuvisa, ela mundu usene maghesho wadaenda imbiri na kungia wasinyi.

KUZOYA 7:23

ikaiagha ni mdamu, angu nyamandu, angu shimandu, angu nyonyi; rose rikafwa na kuinjwa ndoenyi. Nuhu tu nuo oresigharikieghe andwamweri na awo werekwanyeghe nao safinenyi.

2 PETRO 3:6

na kwa agho machi, ugho wurumwengu ghwa iro ngelo, ghoretotereghe kwa gharika.

2 PETRO 2:5

Hata ndereghulekieghe ghuja wurumwengu ghwa kala, ela oremkirieghe Nuhu mchili wa hachi, andwamweri na wandu wazima mfungade, iji oreiredieghe gharika aighu ya wurumwengu ghwa wandu wisemuobuagha Mlungu.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

WAEBRANIA 11:1

Idana irumirio ni kukaia na wuloli ghwa maza rawuyasuwirilwa, ni kukaia na loli putu na maza risewonekie.

WAROMA 10:6

Ela hachi iko kwa chia ya irumirio yaghamba, Kusakeghamba ngolonyi kwako wei, “Nani ujokagha mlungunyi?” (huwo ni kumsera Kristo andoenyi)

WAROMA 4:11

Orepatireghe kushamishwa kukaia sa alama angu muhuri ghwa ija hachi oreitaliloghe kwa chia ya irumirio, iji orekoghe useshamishiro. Makusudi gharo ni kum'bonya Abrahamu ukaie ndee wa wose wirumiriagha wiseshamishiro; nawo wipate kutalwa kukaia na hachi.

MATHAYO 24:38

Angu matuku agho imbiri ya gharika, werekoghe wikija na kunywa, wikilowua na kulowolwa; hata ituku jija Nuhu orengirieghe safinenyi,

MATHAYO 24:25

Olenyi namghoria kiimbiri.

KUZOYA 19:14

Niko Loti ukafuma na kuwighendia waghosi wake awa werewilowugha wai wake ukawizera, “Wukenyi mfume aha angu BWANA oko kaavui kughutotesha muzi ughu.” Ela madedo ghake ghikawoneka kukaia gha wukelu kwa waghosi wake.

KUZOYA 7:5

Nao Nuhu ukabonya wokoni sa iji orelaghiriloghe ni BWANA.

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

WAROMA 9:30

Da dighora wada? Diaghora, wandu wa mbari zima awo wisereilolieghe hachi, waipatire; uko kutalwa kukaia na hachi kupatikagha kwa chia ya irumirio.

MAKATANISHO 22:3

Mundu uko na suku wadawona ndengwa na kukuika; mkelu wadaghenda imbiri na kungia wasinyi.

MATHAYO 24:15

“Ela kasikira mwammbona uja ‘Mmbiwi Mnoni’, uo oreghoreloghe ni mlodi Danieli, ukikaia kimusi andu kwa wueli, (uo ushomagha ndetambuo)

KUZOYA 8:16

“Fuma safinenyi oho na muka wako, na wana wako, na waka wa wana wako.

KUZOYA 6:22

Nuhu ukabonya ghose orelaghiriloghe ni Mlungu.

EZEKIELI 33:5

Wasikira tarumbeta putu, nao ukaaleghatala moni; kwa huwo bagha yake ichakaia aighu yake. Angu na wei odesikira nao ukatala, kumangu wakirie irangi jake.

MATHAYO 2:12

Nawo wiendawonyerwa ni Mlungu kwa ndodo wisakewuya kwa Herode, wikaghala cha mzawo kwa chia zima.

WAEBRANIA 8:5

Awo waawuyabonya kazi iko fwana na kirerendi cha kazi ya Andu kwa Wueli kwa mlungunyi; angu iji Musa orekoghe kaavui na kuiwusira iyo hema, orefundishiroghe ni Mlungu ukizerwa, “Manya kubonye kula kindo karakara na mfwano ghuja ghoni korewonyeroghe aighu ya mghondi.”

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

2 WAZURI 4:5

Uja muka ukafuma kwa Elisha; ukaghenda na kukurughia nyumbenyi chiaimweri na wana wake; wana wake wikakaia wikimredia iro chupa ngelo oredungiriagha mavuda.

AYUBU 35:8

Mdamu mmbenyu nuo upatagha wasi iji kwabonya kaung'a, na hachi yako iamtesia uo.