WAEBRANIA 11:6 - Biblia Ilagho Jiboie Kwa Wandu Wose

⁶ Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 11:6 Referans Kwoze

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

LUKA 12:31

Ela lolenyi kande Wuzuri ghwa Mlungu, na vilambo ivo vose uchamneka.

ZABURI 119:10

Nadakulola kwa ngolo yapo yose; kusenisighe ngighenda kula na memu yako.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAROMA 10:14

Ela wandu wichajiwangia wada irina jake uo wisemrumirie? Nawo wichamrumiria wada uo wisemsikire jingi? Nawo wichasikira wada ngera mchili useko?

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

2 PETRO 1:5

Kwa wundu ughu ghoni, fungenyi ndighi kuchuria wucha aighu ya irumirio jenyu; na aighu ya wucha, mchurie kumanya;

WAEBRANIA 4:6

Idana kwa kukaia weko wamu wichaangia, na waja werezoeghe kuwusa ijo Ilagho Jiboie walemelo ni kungia angu wileghie kusikira,

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

MITALO 14:11

BWANA ukamzera Musa, “Awa wandu winimenya hata lii? Widua wisenirumirie hata lii kunughana na awa weke mwakilimbiti wose nibonyere aghadi kwawo?

JOHANE 8:24

Huwo niko namzera angu mchafwa kaung'enyi konyu. Nenyo mchafwa kaung'enyi konyu ngera mserumiriagha angu ‘Ini Nuo Moni.’”

2 PETRO 1:10

Kwa huwo wanidu, fungenyi ndighi kumanga kwa kuwangwa na kusaghulwa konyu, angu mkabonya huwu, na jingi ndemchaaghwa;

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

ZABURI 78:32

Chiaimweri na agho, wandu wikachuria kubonya kaung'a; uduabonya agho mashiniko ndewicherumiria.

WAEBRANIA 4:2

Angu Ilagho Jiboie jereredeloghe kodu, sa iji koni jereghenjeroghe kwawo; ela agho malagho wereghisikireghe wikaghisowia fwaida, kwa kukaia ndewereghiwusireghe kwa irumirio anduangi.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

MITALO 20:12

BWANA ukawizera Musa na Haruni, “Kwa kukaia msenirumirie, nenyo mwalemwa kunikuma imbiri ya wandu wa Israeli, ndemchaajingira iji ikwanyiko kwa ijo isanga niwinekie.”

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

WAEBRANIA 11:26

Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

MARKO 16:17

Na alama iri richawinugha awa wirumiriagha: kwa irina japo wichawinga pepo, na wichaghora na chumi mbishi.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

ZABURI 58:11

Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

ZABURI 106:24

Niko werejileghieghe ijo isanga jiboie, kwa kukaia weresowieghe irumirio na ilaghiro jake.

AYUBU 21:14

Wandu wawiwi wadamzera Mlungu, ‘Fuma kodu! Ndedikunde kurimanya chia rako.

ZABURI 78:22

kwa kukaia ndewerekoghe na irumirio kwake hata ndewererirumirieghe ndighi rake rekira anduangi.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

MATHAYO 6:16

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo.

MATHAYO 6:5

“Idana iji mwakalomba, msakebonya sa awo waji-kuwi; angu awo wadakunda kulomba wikikaia kimusi sunagoginyi, na matanonyi gha chia wipate kuwonwa ni wandu. Namghoria loli, wameria kupata mafungu ghawo.

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

MATHAYO 11:26

Ee Aba, angu niko korekundieghe ikaie huwo.