WAEBRANIA 11:32 - Biblia Ilagho Jiboie Kwa Wandu Wose

³² Nighore ghiao sena? Angu ngelo ndeinikatagha eghora malagho gha Gideoni, Baraki, Samsoni, Jefuta; gha Daudi, Samueli, na walodi;

WAEBRANIA 11:32 Referans Kwoze

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 1:20

ukapata kifu kwa ngelo yaro, nao ukava mwana wa womi, ukammbanga irina jake Samueli, angu oreghambieghe, “Uhu neemlomba kwa BWANA.”

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

JOHANE 21:25

Koko na maza nyingi zima Jesu oreribonyereghe. Naro ngera raandikwa rose imu imu, niaghesha hata wurumwengu ndaghwadimagha kukata vuo vichaandikwa anduangi.

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.

WAROMA 7:7

Da dighora wada? Wei Sharia ni kaung'a? Hata kutini! Angu wei si Sharia, seremanyagha kaung'a. Seremanyagha kubonya iriso niki, ngera Sharia isereghorieghe, “Kusakebonya iriso”.

WAROMA 4:1

Idana dighora wada aighu ya Abrahamu aba odu wa kala kwa chia ya mumbi?

WAROMA 3:5

Da dighora wada ikakaia wuwiwi ghodu ghwadumika kwa kuiwonyera hachi ya Mlungu? Dadima kughamba wei Mlungu waawuyabonya makosa kwa kudikaba? (Naghora kimdamu).

MABONYO GHA WADUMI 13:20

Miaka sa maghana ana na mirongo misanu ikaida; konyuma ukawineka watanyi hata ngelo ya mlodi Samueli.

MABONYO GHA WADUMI 10:43

Walodi wose wamshuhudia uo kukaia, uo ose urumiriagha kwake, uchalekwa kaung'a rake kwa irina jake.”

MABONYO GHA WADUMI 3:24

Malagho ghose gherededeloghe ni walodi, kufuma Samueli hata awo wicheecha na nyuma yake, werededieghe malagho gha matuku agha.

1 SAMUELI 12:11

Na BWANA ukawiduma Jerubaali na Baraki, na Jefuta na Samueli wikamkira na wamaiza wenyu kwa kula chia, mkakaia banana.

2 PETRO 3:2

mpate kukumbuka seji walodi wielie werezoeghe kughora, na ugho momu ghwa Bwana na Mkiri ghuchee kwa chia ya wadumi wenyu.

JAKOBO 5:10

Wanidu wadenyi mfwano ghwa walodi, awo werekoghe wikighora kwa irina ja Bwana, ghukaie fwana ya matiriro na kurumaghia konyu.

WAROMA 6:1

Da dighora wada? Diduo kaung'enyi mvono ghwa Mlungu ghuwonechurikia?

LUKA 16:31

Abrahamu ukamzera, ‘Ngera wisewisikiragha Musa na walodi, hata ukaruka mundu kufuma kwa wafu, ndewichaaghaluka anduangi.’”

LUKA 13:28

Aho mchalila na kuja maghegho ghenyu, iji mchaammbona Abrahamu, Isaaka, na Jakobo, na walodi wose andenyi ya wuzuri ghwa Mlungu, na inyo mmbeni mwadeghwa shighadi.

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

ZABURI 99:6

Musa na Haruni werekoghe wakohani wake, Samueli wori orekoghe umu wa awo weremlombieghe, weremmbangieghe BWANA, nao ukawidika.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

WATANYI 13:24

Uja muka ukava mwana wa womi, ukammbanga irina jake Samsoni; mwana ukazoghua, na BWANA ukamrasimia.

WATANYI 6:11

Niko malaika wa Bwana ukacha muzi ghwa Ofra, ukasea kidombo aisi ya mualoni, ghorekoghe mali ya Joashi, Muabiezeri, na mwana wake Gideoni orekoghe ukikaba ngano andenyi ya kidu chekamia divei eri ukuvise usewono ni Wamidiani.

WATANYI 4:1

Nyuma ya kifwa cha Ehudi, wandu wa Israeli wikam'bonyera BWANA kaung'a sena.

WATANYI 6:1

Wandu wa Israeli wikam'bonyera BWANA kaung'a sena, na BWANA ukawikumba mikonunyi kwa Wamidiani miaka mfungade.

WATANYI 6:14

BWANA ukamghalukia na kumzera, “Ghenda na ireni ndighi rako iri, kupate kuwivuvua Waisraeli kufuma mikonunyi kwa Wamidiani. Ni ini moni nawuyakuduma.”

WATANYI 15:20

Samsoni ukawitanya Israeli kwa miaka mirongo iwi matuku gha Wafilisti.

1 SAMUELI 2:4

Ndana ra wandu wiwadie ndighi rachikanywa, ela wanyonge wapata ndighi.

1 SAMUELI 17:45

Daudi ukamzera uja Mfilisti, “Oho kwaawuyanichea na lufu, na ifumu na ifumu itini; ela ini naakuchea kwa irina ja BWANA wa majeshi, uo Mlungu wa majeshi gha Israeli kwawuyaghidukana.