WAEBRANIA 11:27 - Biblia Ilagho Jiboie Kwa Wandu Wose

²⁷ Kwa irumirio, Musa orefumieghe Misri useobuagha machu gha mzuri, angu orekoghe ukirumaghia seji uammbona Mlungu uo usewonekagha.

WAEBRANIA 11:27 Referans Kwoze

WAEBRANIA 11:13

Awo wose werefueghe andenyi ya irumirio wisepatire agho werelaghiriloghe, ela wereghiwonieghe kwa kula wikaboilwanya nagho; wikirumiria angu werekoghe waghenyi, na wandu wiidagha aha ndoenyi.

2 WAKORINTHO 4:18

kwa kukaia ndediwuevizighanira vindo viwonekagha anduangi, ela daawuyavizighanira ivo visewonekagha; angu vilambo viwonekagha ni veida, ela ivo visewonekagha, ni vedua kwa kala na kala.

WAEBRANIA 11:1

Idana irumirio ni kukaia na wuloli ghwa maza rawuyasuwirilwa, ni kukaia na loli putu na maza risewonekie.

JAKOBO 5:11

Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

KUFUMA 11:8

Na awa wadumiki wako wose wichacha na kunighoghomia wikighamba, ‘Fuma noko na wandu wako mghende.’ Niko aho nichaghenda.” Musa ukafuma kwa Farao wajokwa ni machu mabaa loli-loli.

KUFUMA 4:19

BWANA ukamzera Musa uko Midiani, “Wuya Misri; angu awo wose werekulolagha wikubwaghe wamerie kufwa.”

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WAEBRANIA 10:32

Ela kumbukenyi matuku gha kala; ngelo io, muendanekwa mwengere, morerumaghieghe kusimana kubaa kwa wasi mungi.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 WAKORINTHO 13:7

Lukundo lwadarumaghia luma, lwadarumiria ghose, lwadasuwiria ghose, lwadarumaghia ghose.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

KUFUMA 12:11

Nenyo mchaija huwu: Mchakaia mwakufunga viwonu venyu, mwameria kurwa vadu, muko na mizata mikonunyi konyu; nenyo mchakaia mkiija kwa shwa-shwa. Iyo ni Pasaka ya BWANA.

WAEBRANIA 6:15

Na huwo, nyuma ya Abrahamu kurumaghia kwa wumboa, orejipatireghe ijo ilaghiro.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

MABONYO GHA WADUMI 2:25

Angu Daudi waghorie huwu aighu yake; ‘Neremmbonieghe Bwana imbiri kwapo ngelo rose, uko chia ya mkonu ghwapo ghwa kiwomi, eri nisenyavurike.

MARKO 13:13

Nenyo mchamenywa ni wandu wose kwa wundu ghwa irina japo. Ela uo urumaghiagha hata kutua, nuo moni uchaakia.”

MARKO 4:17

ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha.

MATHAYO 24:13

Ela uo urumaghiagha hata kutua nuo moni uchaakia.

ZABURI 16:8

Naawuyakanya na BWANA matuku ghose; oko chia ya mkonu ghwapo ghwa kiwomi, sichaanyavurika anduangi.

KUFUMA 12:50

Waisraeli wose wikabonya sa iji koni BWANA orewilaghirieghe Musa na Haruni.

WAKOLOSAI 1:15

Kristo ni fwana ya Mlungu usewonekagha, nao ni wa imbiri kuvalwa wa ivo vilambo viumbilo vose.