WAEBRANIA 11:26 - Biblia Ilagho Jiboie Kwa Wandu Wose

²⁶ Ukawona angu kusholelwa kwa wundu ghwa Kristo, ni mali mbaa kuchumba mali rose ra Misri; angu orekoghe ukisuwiria mafungu ghichagha.

WAEBRANIA 11:26 Referans Kwoze

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 10:35

Kwa huwo msakeghusigha ugho wuwana ghonyu, angu ghoko na mafungu mabaa.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

1 PETRO 4:14

Mkadedelwa kiwiwi kwa wundu ghwa irina ja Kristo, mwarasimilwa; angu uo Roho wa wubaa, na wa Mlungu oko aighu konyu.

WAEBRANIA 2:2

Ikakaia malagho ghereghoreloghe ni weke malaika gherekoghe gha loli, na awo werekosereghe kwa kulegha kusikira, kula umu orepatireghe ikabo jake ja hachi;

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

LUKA 14:14

na oho kucharasimilwa, angu wisechaadima kukulipa. Na oho kuchalipwa ituku ja kurukenyi kwa wahachi.”

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

2 WAKORINTHO 12:10

Niko huwo, kwa wundu ghwa Kristo, naboilwa andenyi ya wunyonge, na kudukanwa, na wasi, na kukorongwa, na hasara; angu iji niko mnyonge, niko niko na ndighi.

ZABURI 37:16

Icho kitini mhachi uko nacho chaboie kuchumba mali ra wawiwi wengi.

1 PETRO 1:11

Wikakotia ngera ni mnduki, angu ni ngelo iao erewonyeroghe ni Roho wa Kristo orekoghe andenyi kwawo, iji werezoeghe kuwona uko kutirirwa kwa Kristo, na ugho wubaa ghuchaanugha nyuma.

WAEBRANIA 13:13

Kwa huwo, ndedimghendie uo cha shighadi ya kambi, dikidwa masholio agho oreghirumaghieghe.

WAEBRANIA 10:33

Ngelo rimu mkisholelwa worinyi na kukorongwa, na ngelo rimu mkikaia ngara na awo werekoghe wikibonywa huwo.

WAFILIPI 3:7

Ela iro fwaida rose nerekoghe naro, nereritalieghe kukaia hasara, kwa wundu ghwa Kristo.

WAEFESO 1:18

Meso gha ngolo renyu ghineko mwengere, eri mpate kumanya wammbangie kwa isuwirio ja indoki, na ni mali rifwane wada ra ifwa ja wubaa ghwake riko andenyi ya waeli.

MABONYO GHA WADUMI 5:41

Niko wikafuma mwandunyi wikiboilwa, angu watalwa kukaia wifwane kusowelwa ishima kwa wundu ghwa irina ijo.

MATHAYO 10:41

Uo umkaribishagha mlodi angu uko mlodi, uchapata mafungu gha mlodi; na uo umkaribishagha mundu ubonyagha hachi angu uko mhachi, uchapata mafungu gha mundu wa hachi.

MATHAYO 6:1

“Mkulindie msakebonya wudumiki ghonyu mucha imbiri ya wandu mkikunda wimmbone; angu aho ndemchaapata mafungu ghangi kwa Ndeyo onyu uko mlungunyi anduangi.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

MAKATANISHO 23:18

Loli kuchapata mecha ngelo ichagha, na isuwirio jako ndejichaalaghaya anduangi.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

ZABURI 69:20

Madukano ghanibwaghie ngolo, ngasirilwa putu ni isuwirio. Nalolie oniwonia wughoma, ngamsowa; ngalola onihoresha, ela siwonie ungi.

ZABURI 69:7

Narumaghia masholio kwa wundu ghwako, hata nafwa waya nandighi.

RUTHU 2:12

BWANA ndekulipe kwa wundu ghwa agho ghose kubonyere; ukulipe malipo ghikatie kufuma kwa BWANA Mlungu wa Israeli, uo kwacha kukusaghika nao.”

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

LUKA 14:33

Ni huwo koni uo ose usesighagha vose uko navo, ndedimagha kukaia mnughi wapo anduangi.”