WAEBRANIA 11:25 - Biblia Ilagho Jiboie Kwa Wandu Wose

²⁵ ukasaghua kupata wasi chiaimweri na wandu wa Mlungu, kuchumba maseko gha kaung'a ghiidagha.

WAEBRANIA 11:25 Referans Kwoze

ZABURI 84:10

Kusinda Hekalunyi kwako ituku jimweri, kwachumba matuku elfu andu kuzima. Ni baa kukaia mlindiri wa mnyango ghwa nyumba ya Mlungu wapo, kuchumba kukaia andenyi ya mizi ya wandu wawiwi.

2 WAKORINTHO 5:17

Kwa huwo ngera mndungi oko andenyi ya Kristo, wakaia iumbo iwishi, maza ra kala rameria kuida, na iro mbishi rameria kucha.

AYUBU 36:21

Kukulindie na wuwiwi; makorongo gheeredwa kwako ghikuwike kula na wuwiwi.

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.

JAKOBO 5:5

Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.

JAKOBO 1:20

angu machu gha mdamu ndeghibonyagha hachi ya Mlungu anduangi.

WAEBRANIA 11:37

Werelasiroghe na magho, weredumbuloghe na misumeno, werebwaghiloghe kwa lufu, werekoghe wikimara-mara wikirwa mirongo ya ng'ondi na ya mburi; werekoghe wakiwa, wandu wa wasi, wikorongelo.

WAEBRANIA 10:32

Ela kumbukenyi matuku gha kala; ngelo io, muendanekwa mwengere, morerumaghieghe kusimana kubaa kwa wasi mungi.

WAEBRANIA 4:9

Kwa wundu ugho, eko Sabato ehora isigharikie kwa wundu ghwa wandu wa Mlungu.

2 TIMOTHEO 1:8

Idana kusakewona waya kumshuhudia Bwana odu, hata kusakeniwonia waya ini mfungwa wake, ela kurumaghie wasi kwa ndighi ra Mlungu, kwa wundu ghwa ijo Ilagho Jiboie.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

WAROMA 5:3

Hata si ijo jeni jiekeri anduangi, ela daboilwa andenyi ya matiriro ghedu, dikimanya angu matiriro ghadareda irumaghio,

LUKA 16:25

“Ela Abrahamu ukamtumbulia, ‘Mwanwapo, kumbuka seji korekoghe kukikaia ndoenyi; korepatireghe maza rako ndicha, na Lazaro wokoni orepatireghe rizamie, nao idana uo aha wahoreshwa na oho kuatirirwa.

MATHAYO 13:21

ela ndewadie miri ingi; wadakaia najo kwa ngelo vui, hata ghikacha matiriro angu kusumbulwa kwa wundu ghwa ilagho ijo, shwa wori wadajisigha.

ISAYA 21:4

Nakambwa ni chongo, na kiture chaningia; ugho mwengere naghusuwiriagha, ghwaachawuya kusughusika.

ZABURI 47:9

Wabaa wa wandu wakwanyika, chiaimweri na wandu wa Mlungu wa Abrahamu. Kwa kukaia wazuri wa ndoenyi ni wa Mlungu; wakumikie nandighi.

DANIELI 3:18

Ela ukakaia usebonyere huwo, kumanye ee mzuri, isi ndedidimagha kuidumikia milungu yako, hata kuitasa ija fwana ya dhahabu koreiwikieghe.”

MABONYO GHA WADUMI 7:34

Nawona loli seji wandu wapo wawuyakorongwa Misri, na kililo chawo nachisikira, nani nasea niwikire; idana nichakuduma Misri.’