WAEBRANIA 10:6 - Biblia Ilagho Jiboie Kwa Wandu Wose

⁶ Ndekoreboiloghe ni vizongona vekora, hata vizongona kwa wundu ghwa kaung'a anduangi.

WAEBRANIA 10:6 Referans Kwoze

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

WAEBRANIA 10:4

Angu bagha ya njau na mburi, ndeidimagha kuinja kaung'a anduangi.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

ZABURI 40:6

Oho ndekuna haja ya vizongona na mafunyo ghangi; ela kwaniboisire mumbi. Ndekukunde vizongona vekora hata vizongona kwa wundu ghwa kaung'a anduangi.