WAEBRANIA 10:27 - Biblia Ilagho Jiboie Kwa Wandu Wose

²⁷ ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.

WAEBRANIA 10:27 Referans Kwoze

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

MATHAYO 13:50

wiwikumbe awo wawiwi kwa iwiwi ja modo ghubirie. Aho wichalila na kuja maghegho.”

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

NAHUMU 1:2

BWANA ni Mlungu wa iriso ulipiagha kisasi. Wadawikaba awo wimtangalagha, na kuwibonyera machu wamaiza wake.

JAKOBO 5:3

Dhahabu na feza renyu rawadwa ni ngama, na ngama yaro ichakaia wushuhuda aighu yenyu, nayo ichaja nyama renyu sa modo. Mwakuwikia mmbeni mali kwa wundu ghwa matuku gha kutua.

WAEBRANIA 12:29

angu Mlungu odu, ni modo ghubirie, ghulunguragha.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MATHAYO 13:42

wiwikumbe kwa iwiwi ja modo ghubirie, na aho wichalila na kuja maghegho.

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

JOELI 2:30

“Nichawonyera alama na mashiniko gha jija ituku mawingunyi na ndoenyi, bagha na modo na makungughu gha mosi.

HOSEA 10:8

Andu kwa ighu kwa wulaghe-laghe, korebonyeroghe kwa wundu ghwa Israeli kutasa milimu kuchanonwa. Kuchabukwa ni minjwa na mtaranganga, nayo ichazoghua na kufinikira madhabahu rawo. Wandu wichaizera mighondi mibaa na mitini, “Dighuenyi mudifinikire.”

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

EZEKIELI 38:19

Na kwa wundu ghwa iriso na machu ghapo ghibirie, naghamba, Ituku ijo kuchakaia na msughusiko m'baa andenyi ya isanga ja Israeli;

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ZABURI 21:9

Kasikira kwawoneka, uchawitotesha sa modo ghukumbagha lumu. BWANA uchawimeria kwa machu ghake, na modo ghuchawitotesha.

WUKUMBUSO 32:43

“Suti muwikume wandu wa BWANA inyo mbari, wadawikaba awo wose wiwibwaghagha. Wadalipa kisasi kwa wamaiza wake na kuleka kaung'a ra wandu wake.”

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

LUKA 23:30

Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’

LUKA 21:26

Wandu wichazimia kwa wowa, wikiweseria icho chichaaghupata wurumwengu, kwa kukaia ndighi ra mlungunyi richasukwa-sukwa.

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

LUKA 16:24

Ukawanga ukighamba, ‘Ee Aba Abrahamu, niwonie wughoma, kumdume Lazaro ungire mudo ghwa chala chake machinyi uche unihoreshe lumi lwapo, angu niatirirwa kwa luwawo lubaa lwa ulu lumu lwa modo.’

1 SAMUELI 2:25

Mundu ukam'bonyera mdamu kaung'a uchadederelwa ni Mlungu, ela mundu ukam'bonyera Mlungu kaung'a, nani uchaamdederia?” Ela waja wana ndeweremsikireghe ndee kwa kukaia Mlungu odeeka na mpango ghowibwagha.

JOHANE 5:29

wiruke na kufuma kaburinyi kwawo; awo wibonyere nicha, wirukie irangi, na awo wibonyere wuwiwi, wirukie kutanywa.