WAEBRANIA 10:20 - Biblia Ilagho Jiboie Kwa Wandu Wose

²⁰ uo oredirughueghe chia mbishi, iko moyo, kwa kuidia pazienyi; kutambua kwaro, kuidia mumbinyi kwake.

WAEBRANIA 10:20 Referans Kwoze

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

WAEBRANIA 9:3

Nanyuma ya pazia ya kawi, korekoghe na hema iwangwagha Andu kwa Wueli Kuchumbie.

WAEBRANIA 9:8

Kwa maza iri, Roho Mweli wawonyera kukaia chia engia Andu kwa Wueli Kuchumbie, yaduagha iserughulo iji iyo hema ya shighadi iduagha kimusi;

WAEBRANIA 6:19

Isi deko na ijo isuwirio jiko sa nanga imange ya irangi jedu, jingiagha kondenyi na kuida pazia na nyuma,

JOHANE 10:7

Nao Jesu ukaghora sena, “Namghoria loli, ini nuo mnyango ghwa ng'ondi.

1 JOHANE 4:2

Inyo muchammanya Roho wa Mlungu kwa chia ihi: kula roho irumiriagha angu Jesu Kristo orechieghe ukawuya mdamu, ni ya Mlungu,

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

LUKA 23:45

Iruwa ndejerefunyireghe miengere yaro anduangi; na pazia ya Hekalu ikarashuka vibelele viwi.

MARKO 15:38

Pazia ya Hekalu ikarashuka vibelele viwi kufuma aighu hata andonyi.

MATHAYO 27:51

Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

2 JOHANE 1:7

Angu wakalii wengi wamerie kufumirika wurumwengunyi, wandu wikanagha kukaia Jesu Kristo orechieghe ukawuya mdamu; mundu uo ni mkalii, na M'maiza wa Kristo.

WAEFESO 2:15

kwa kuinja nambai ija Sharia ya memu na malaghiro kwa mumbi ghwake; upate kuumba mundu umweri mmbishi andenyi kwake wulalo ghwa awo wawi, na huwo ukareda sere.

WALAWI 21:23

Kwa wundu ghwa uo kukaia na itiko mumbinyi kwake, ndechaasoghoda kaavui na pazia ya wueli angu madhabahu, usechelusha ivo vilambo, angu Ini ne BWANA ueleshagha ivo vilambo.”

WALAWI 16:15

“Niko uchabwagha ija fwandi ipate kukaia kizongona kwa wundu ghwa kaung'a ra wandu, nao uchareda bagha yake andenyi ya pazia. Na sa iji koni ubonyereghe na bagha ya njau, uchabonya woruwo koni kwa kumichira bagha naimbiri ya Kifumbi cha Wughoma, na naimbiri ya Sanduku ya Ilaghano.