WAEBRANIA 1:4 - Biblia Ilagho Jiboie Kwa Wandu Wose

⁴ Uo Mwana orewurieghe m'baa nandighi kuchumba weke malaika, sa iji koni ijo irina ujipatire kwa Mlungu jiko ibaa kuchumba ghawo.

WAEBRANIA 1:4 Referans Kwoze

WAEFESO 1:21

ighu nandighi kuchumba kubonya nguma kose, na kudima, na ndighi, na wuzuri, na aighu ya kula irina jiwangilo; si kwa ngelo ihi cheni anduangi, ela hata na iyo ichagha wori.

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WAKOLOSAI 2:10

nenyo mwachulwa ni irangi andenyi kwake, uo uko chongo aighu ya nguma rose na kudima.

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

WAEBRANIA 1:9

Oho kwaikunda hachi, na kuzamilwa ni kiwiwi; Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.”

WAEBRANIA 12:17

Angu mwamanya kukaia, konyuma iji orekundeghe kupata ifwa ja irasimio, orelegheloghe; angu nderepatireghe wulalo ghungi ghohea anduangi, hata ngera orejilolieghe kwa ndighi, ukidikwa ni mbori.