WAEBRANIA 1:2 - Biblia Ilagho Jiboie Kwa Wandu Wose

² Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

WAEBRANIA 1:2 Referans Kwoze

1 WAKORINTHO 8:6

ela kodu isi Mlungu ni umweri, uja Aba, Muumbi wa vilambo vose; nesi kwa wundu ghwake, dadakaia moyo; na Bwana umweri Jesu Kristo, kwa chia yake uo, vilambo vose vereumbiloghe; na kwa chia yake uo, isi dakaia moyo wori.

JOHANE 1:3

Kwa chia yake Uo, vilambo vose vereumbiloghe ni Mlungu, hata kuseko Uo ndechereumbiloghe kilambo chingi anduangi.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 13:3

Jesu moni ukimanya angu uja Aba wamnekie vilambo vose mikonunyi kwake, na angu orefumieghe kwa Mlungu, sena uaghenda kwa Mlungu;

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

WAEBRANIA 11:3

Kwa irumirio datambua kukaia wurumwengu ghoreumbiloghe kwa ilagho ja Mlungu, hata na vilambo viwonekagha verebonyeroghe kwa vilambo visewonekagha.

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

MATHAYO 26:63

Ela Jesu ukanyama kima. Mkohani M'baa ukamzera, “Nakughemesha kwa irina ja Mlungu uko moyo, kudighorie ngera oho nuo Kristo Mwana wa Mlungu.”

MATHAYO 21:38

Ela iji awo walimi wammbona uja mwana, wikaghamba weni na weni, ‘Uhu ni mundu wa ifwa. Nndokonyi dim'bwaghe ifwa jipate kuwuya jedu.’

WAEBRANIA 5:8

Hata ngera orekoghe Mwana wa Mlungu, ela orekufundishireghe kusikira kwa chia ya matiriro gherempatireghe;

WAEFESO 1:10

kukaia, kwa ngelo ikatie, upate kuvikwanya vilambo vose andenyi kwake; ivo viko mlungunyi, na ivo viko andoenyi.

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

WAEBRANIA 7:3

Uo ndewadie ndee, angu mae, hata kichuku chingi; ndewadie kuzoya hata kutua kungi anduangi. Nao ukifwanana na Mwana wa Mlungu, wadua mkohani kwa kala na kala.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

WAEBRANIA 1:5

Angu ni malaika uao jingi uzerelo ni Mlungu wei, “Oho ko Mwana wapo, nakuva idime.” Angu wei, “Nichakaia ndee, nao uchakaia Mwanwapo.”

WAEFESO 3:9

Na kuwibonya wandu wose wighuwone ugho mpango ghwa iyo ngasu erevisiroghe kwa Mlungu ngelo riidie, Uo uumbie vilambo vose;

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

WUKUMBUSO 18:15

BWANA Mlungu onyu uchammbusiria mlodi ufumagha aghadi ya wanyinyu uko sa ini; mumsikire.

WUKUMBUSO 4:30

Iji kwangilwa ni wasi, na kupatwa ni maza iri rose, kutua kuchamghalukia BWANA Mlungu wako na kumsikira.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

MABONYO GHA WADUMI 10:36

Inyo mwamanya ijo ilagho orewighenjereghe Waisraeli, ukichila Ilagho Jiboie ja sere kwa chia ya Jesu Kristo (uo nuo Bwana wa wose).

JOHANE 15:15

Simmbangagha wadumiki sena, angu mdumiki ndemanyagha agho bwana wake ubonyagha anduangi. Ela ini nammbanga waghenyi wapo, angu namgorie malagho ghose nereghisikireghe kwa Aba.

MIKA 4:1

Matuku ghichagha, mghondi andu Hekalu ya BWANA ikaiagha, ghuchakaia ighu kuchumba yose, ghukikaia ighu kuchumba yose na wandu wa mbari rose wichacha wikighughendia.

JEREMIA 30:24

Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JUDA 1:18

Weremghorieghe huwu, “Ngelo ya kutua mbai, kuchakaia na wandu wisekagha, winughagha bea rawo reni risewadie kuobua kwa Mlungu.”

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

MABONYO GHA WADUMI 2:17

‘Huwu niko ichaakaia matuku gha kutua mbai, waghamba Mlungu, nichawidiria wandu wose Roho wapo; wana wenyu wa womi na wa waka wichafunya wulodi, na wandu wenyu wa irika wichawona mawono, na waghosi wichaloda ndodo.

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 16:15

Vose viko na Aba ni vapo, niko namzera angu Uo Roho uchawusa ghapo, na kumghoria inyo.

MARKO 12:6

Nao orekoghe na umu sena, mwana wake, wangolo wake. Kutua ukamduma uo moni kwawo, ukighamba, ‘Wicham'bonyera ishima mwana wapo.’

MARKO 1:1

Uku niko kuzoya kwaro Ilagho Jiboie ja Jesu Kristo, Mwana wa Mlungu,

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

EZEKIELI 38:16

Kuchawichea wandu wapo Israeli sa ikungughu, kupate kulwa nawo; kuchafinikira isanga jose. Matuku gha kutua nichakureda kupate kujikaba isanga japo, eri iro mbari ra wandu ripate kunimanya, ingelo nichaawonyera wueli ghwapo imbiri kwawo kwa kukutumia oho ee Gogu.

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

WAEBRANIA 1:8

Ela kwa Mwana waghamba huwu, “Kifumbi chako cha nguma ee Mlungu chadua kwa kala na kala, mzata ghwa nguma ghwa hachi, ni mzata ghwa nguma ghwa wuzuri ghwako.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

KUZOYA 49:1

Nao Jakobo ukawiwanga wana wake wose ukawizera, “Kwanyikenyi chiaimweri, nipate kummanyisha iro maza richaampata matuku ghichagha:

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

JOHANE 3:25

Nao kukawuka nganyi aghadi ya wanughi wa Johane na Myahudi umu aighu ya mzango ghwa kukuelesha.

DANIELI 2:28

Ela oko Mlungu mlungunyi ufunukuagha maza rivisikie, nao wakumanyisha oho mzuri Nebukadnezari iro maza richaabonyeka ngelo richagha. Ndodo yako na mawono kughiwonie ngelo korekoghe kwalala wulinyi kwako nigho agha:

JEREMIA 48:47

Ela kutuonyi nichammbunjira Moabu mecha ghake, ini BWANA naghamba.” Uko niko kutanywa kwa Moabu.

ISAYA 45:12

Ni ini nibonyere ndoenyi, na kumuumba mdamu ukaie andenyi yaro; mlungunyi ni kazi ra mikonu yapo, na majeshi gharo ghose nadaghilaghira.

MITALO 24:14

Balaamu ukamzera Balaki, “Ola idana niaghala cha mzedu, ela choo nikughorie seji awandu wichaawibonya wandu wako matuku ghichagha.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

MATHAYO 13:39

na m'maiza uo orewaeghe ijo isaka ni Ibilisi. Makuwido ni kutua kwa ngelo, na awo wikuwidagha ni weke malaika.

MARKO 12:7

Ela waja walimi wikazerana weni na weni, ‘Uhu ni mundu wa ifwa, nndokonyi dim'bwaghe na ifwa jichawuya jedu.’

JOHANE 1:10

Uo Ilagho orekoghe wurumwengunyi, na wurumwengu ghoreumbiloghe kwa chia yake Uo, elaima ndeghoremmanyireghe anduangi.

JOHANE 5:26

Sa iji koni uja Aba uko na irangi andenyi kwake, wokoni wamnekie Mwana kukaia na irangi andenyi kwake.

JOHANE 5:27

Sena wamnekie nguma retanya, angu uko Mwana wa Mdamu.

JOHANE 9:29

Isi daichi angu Mlungu oreghorieghe na Musa, ela mundu uhu ndediichi andu ufumagha anduangi.”

1 WAKORINTHO 2:7

Ela damfunukuya ngasu na hikima ya Mlungu ivisiro, iyo Mlungu oreilaghirieghe kwa wundu ghwa wubaa ghodu imbiri ya wurumwengu kuumbwa.

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 4:14

Idana kwa kukaia deko na Mkohani M'baa, uo orengirieghe mlungunyi, Jesu, Mwana wa Mlungu, ndedimazire kuja kurumiria kodu.

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

JOHANE 13:32

Ngera Mlungu wakaswa andenyi kwake, huwo koni Mlungu uchamkasa Mwana andenyi kwake uo moni; nao uchamkasa shwa wori.