TITO 3:5 - Biblia Ilagho Jiboie Kwa Wandu Wose

⁵ oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;

TITO 3:5 Referans Kwoze

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

1 PETRO 3:21

Ilagho ijo, jafwanana na wubaputizo ghwa idana ghumkiragha inyo; si sa kuja kuinja wuchafu ghwa mumbi anduangi, ela ni kuja kubonya malaghiro kwa Mlungu kwa nia ielie, kwa chia ya kuruka kwake Jesu Kristo;

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

WAEFESO 2:4

Ela Mlungu, uo uko na wughoma mungi, kwa lukundo lwake lubaa oredikundieghe nalo isi,

WAEFESO 5:26

upate kujielesha kwa kujioghosha na machi kwa ilagho;

ZABURI 51:10

Kuniumbie ngolo ielie andenyi kwapo ee Mlungu; kuningire roho mbishi ya loli.

WAROMA 11:6

Ela ikakaia uko kusaghulwa ni kwa mvono, ndekukaiagha sena kwa mabonyo anduangi; ngera ni huwo kumangu mvono si mvono ghungi.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAKOLOSAI 3:10

na kurwa wundu wuwishi; nagho ghwaawuyabonywa wuwishi ghupate kummanya kwa kufwananishwa na uo muumbi wake.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

WAGALATIA 2:16

ela sena daichi wori mdamu ndetalwagha kukaia na hachi kwa chia ya mabonyo gha Sharia anduangi, ela kwa chia ya irumirio jiko kwa Jesu Kristo. Hata nesi deerumiria kwa Kristo Jesu, eri ditalo kukaia na hachi kwa Kristo hata si kwa chia ya mabonyo gha Sharia anduangi; angu ndekuwadie mndungi uchaatalwa kukaia na hachi kwa chia ya mabonyo gha Sharia anduangi.

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.

WAEFESO 4:23

m'bonyo wawishi rohonyi na akilinyi konyu,

WAROMA 3:28

Angu dawona kukaia mdamu wadatalwa kukaia na hachi kwa irumirio, si kwa kazi ra Sharia reni anduangi.

WAROMA 9:11

hata ngera saki wana ndewerevaloghe, na kubonya ilagho jingi icha angu iwiwi, eri mpango ghwa Mlungu ghosaghua ghuende imbiri, si kwa wundu ghwa mabonyo, ela kwa wundu ghwa kuwangwa kwake;

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

LUKA 1:54

Wamtesia Israeli mdumiki wake, kwa kukumbuka wughoma ghwake.

LUKA 1:50

Wughoma ghwake ghwadakaia hata vivalwa na vivalwa, kwa awo wimuobuagha.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

ZABURI 143:2

Kusakenighenja kutanyonyi ini mdumiki wako; ndekuwadie mndungi uko mhachi imbiri kwako.

ZABURI 130:7

Ee Israeli, mrumirie BWANA, angu oko na lukundo lukatie nao toe wadakunda kukira.

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

TITO 3:4

Ela iji wucha na wughoma ghwa lukundo lwa Mlungu Mkiri odu ghorewonekieghe,

WAROMA 9:30

Da dighora wada? Diaghora, wandu wa mbari zima awo wisereilolieghe hachi, waipatire; uko kutalwa kukaia na hachi kupatikagha kwa chia ya irumirio.

WAROMA 9:16

Kwa huwo maza nderikaiagha kwa kukunda angu kwa kufunga ndighi kwa mdamu, ela ni kwa wughoma ghwa Mlungu.

WAROMA 4:5

Na mundu usebonyagha kazi, nao warumiria kwa Uo uwitaliagha wandu wisemuobuagha Mlungu wikaie na hachi, irumirio jake mundu uo jatalwa kukaia hachi.

LUKA 1:72

uwibonyere wughoma orewilaghirieghe weke aba, kwa kujikumbuka ilaghano jake ja wueli.

ISAYA 57:12

Nichaghora malagho gha hachi na mabonyo ghenyu, ela milungu yenyu ndeichaamtesia anduangi.

WAEBRANIA 6:6

iji wajikana ijo irumirio; angu waameria kumsulubisha Mwana wa Mlungu kwa kukunda kwawo weni, na kumfusha waya worinyi.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

ZABURI 62:12

na lukundo lukatie. Oho BWANA kwadamlipa mundu karakara na kazi yake.

AYUBU 15:14

Mdamu wadima kukaia uelie? Mundu uvalo ni muka ukaia wada mhachi?

AYUBU 9:20

Hata ngera siwadie ikosa, madedo ghapo gheni ghichanitanya; hata ngera nakatie, uchaniwona nalagharie.

WUKUMBUSO 9:5

Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

WAROMA 11:14

eri niwibonye wamzedu Wayahudi kukaia na iriso, na kwa chia iyo nikire wamu wawo.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.