TITO 1:2 - Biblia Ilagho Jiboie Kwa Wandu Wose

² kwa isuwirio ja irangi ja kala na kala, ijo jerelaghiriloghe ni Mlungu kokala, nao ndeghoragha tee jingi.

TITO 1:2 Referans Kwoze

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

1 JOHANE 2:25

Na ilaghiro jake udilaghirie ni irangi ja kala na kala.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

JUDA 1:21

mkuwike mmbeni andenyi ya ulo lukundo lwa Mlungu; mmbeserie wughoma ghwa Bwana odu Jesu Kristo, upate kumneka irangi ja kala na kala.

2 TIMOTHEO 1:1

Ini Paulo, mdumi wa Kristo Jesu kwa lukundo lwa Mlungu, udumilo kujichila ijo ilaghiro ja irangi jiko andenyi ya Kristo Jesu,

TITO 3:7

eri dipate kutalwa kukaia na hachi kwa mvono ghwake, na kuwuya wandu wa ifwa wesuwiria irangi ja kala na kala.

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

2 TIMOTHEO 2:15

Funga ndighi kukuwonyera kumoni kwa Mlungu sa m'bonyi kazi urumirikie, usefushwagha waya kwa kazi yake, ujiwadiagha nicha ijo ilagho ja loli.

2 TIMOTHEO 2:13

Dikasowa wuloli, uo wadua mloli; angu uo ndedimagha kukukana moni anduangi.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

TITO 2:7

Kukuwonyere kumoni kukaia mfwano ghwa mabonyo mecha kwa kula chia, na kwa mafundisho ghako kukuwonyere kumoni kukaia kwaghiichi sena kwawuyaghitala,

1 WATHESALONIKE 5:8

Ela angu isi de wandu wa dime, ndedikaie na akili, dikirwa irumirio na lukundo sa ngao ya laghenyi, na isuwirio ja kukia sa kofia ya chuma.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

1 TIMOTHEO 6:19

Kwa chia ihi wichakubonyera weni msingi ghuboie ghwa ngelo richagha, eri wikupatire irangi ijo jiko irangi loli.

WAROMA 5:21

eri sa iji koni kaung'a erebonyereghe nguma andenyi ya kifwa, mvono nagho ghubonye nguma kwa chia ya hachi, kuvikia irangi ja kala na kala kwa chia ya Jesu Kristo Bwana odu.

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’

JOHANE 17:2

Angu koremnekieghe nguma aighu ya wadamu wose, uwineke irangi ja kala na kala waja koremnekieghe.

JOHANE 10:28

Nani narineka irangi ja kala na kala, hata na jingi nderichaatota, sena ndekuwadie mndungi uchaanisoka mkonunyi kwapo anduangi.

JOHANE 6:68

Simoni Petro ukamtumbulia, “Bwana, dimghendia ani? Oho koko na malagho gha irangi ja kala na kala.

JOHANE 6:54

Uo ose ujagha mumbi ghwapo na kuinywa bagha yapo, oko na irangi ja kala na kala, nani nichamrukisha Ituku ja kutua mbai.

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

1 TIMOTHEO 6:12

Lwaa ghuja wuda ghuboie ghwa irumirio, kujiwadie jija irangi ja kala na kala, ijo korejiwangiloghe iji korerumirieghe nicha imbiri ya washahidi wengi.

1 WATHESALONIKE 2:15

awo werem'bwaghieghe uo Bwana Jesu, na awo walodi, wikadiwinga isi. Nawo wadazamia Mlungu, na kuwitangala wandu wose,

WAROMA 16:25

Idana kwa Mlungu uo udimagha kummangisha andenyi ya irumirio jenyu, karakara na ijo Ilagho Jiboie nawuyajichila ja Jesu Kristo, na karakara na wufunuo ghwa ija ngasu, iyo erevisikieghe kwa ngelo ndacha iidie;

WAROMA 5:4

na irumaghio jadareda kumanga, na kumanga kwadareda isuwirio.

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

WAROMA 1:2

Ijo orejilaghirieghe koimbiri kwa chia ya walodi wake andenyi ya Maandiko Ghielie.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

WAKOLOSAI 1:27

Mlungu oresaghueghe kuwimanyisha awo waeli, seji ugho wungi ghwa mali ra wubaa ghwa ngasu ihi ghuko, aghadi ya wandu wa mbari zima; nagho ni Kristo andenyi konyu, isuwirio ja wubaa.

MARKO 10:30

ima usepatagha kwa agha matuku mando ighana, nyumba, waruna wa womi na wa waka, weke mae, weke ndee, wana, na mbuwa, andwamweri na kutirirwa; sena kwa matuku ghichagha, uchapata irangi ja kala na kala.

MARKO 10:17

Hata iji Jesu wazoya charo chake, mundu umu ukamghendia na iseghe, ukamdungia ngokoro, ukamkotia, “Mwalimu mucha, yanifwana nibonye ilaghoki ima nipate ifwa ja irangi ja kala na kala?”

ISAYA 1:20

ela mkalegha kusikira putu, mchatoteshwa kwa lufu, angu ini BWANA naghora ilagho iji.”