TITO 1:10 - Biblia Ilagho Jiboie Kwa Wandu Wose

¹⁰ Angu weko wandu wengi wileghagha, wiko na madedo maduu, nawo ni wandu wa mikalo; kuchumba ni awo wa kushamishwa.

TITO 1:10 Referans Kwoze

1 TIMOTHEO 1:6

Wandu wamu kwa kurisigha na mbai maza iri, walaghaya na kungia andenyi ya madedo gha duu;

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

WAGALATIA 2:4

Ela kwa wundu ghwa awo wanidu wa tee werengiriloghe andenyi kwa kiviso, awo werengirieghe kuzighana wuhuru ghodu diko nagho kwa Kristo Jesu, eri widingire wuzumbenyi;

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

JAKOBO 1:26

Ngera mndungi wakuwona moni kukaia wa dini, nao ndelumaziriagha lumi lwake, dini yake ni ya duu; nao waawuyakukalia moni.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

MABONYO GHA WADUMI 11:2

Na Petro uendajoka Jerusalemu, waja wishamishiro wikamfunya makosa wikighamba,

WUFUNUO 2:14

Ela neko na malagho matini aighu yako: kokwanye na wandu wamu aho wawuyanugha mafundisho gha Balaamu uo oremfundishireghe Balaki kuwikuwara wandu wa Israeli, eri wipate kuja vindo vifunyiro kizongona kwa milimu, na kukuzaisira kulaka.

WUFUNUO 2:6

Ela koko na ilagho jimweri, oho kwawuyazamilwa ni kazi ra Wanikolai; iro nani moni rawuyanizamia wori.

1 JOHANE 2:18

Wanake, ni ngelo ya kutua; na seji koni msikire kukaia M'maiza wa Kristo uchacha, ni huwo koni idana wamaiza wa Kristo wengi wamerie kucha; niko isi damanya angu ni ngelo ya kutua.

2 TIMOTHEO 4:4

nawo wichasigha kuisikira ija loli na kunugha chughano.

1 TIMOTHEO 1:4

Kuwilaghire wisakekungira andenyi ya maza ra chughano, na maandiko gha vichuku ghisewadie kutua; ghiredagha nganyi wulalo ghwa mafundisho gha kimlungu ghiko gha irumirio.

WAGALATIA 3:1

Wagalatia mkelie inyo! Nani umloghie; wandu morewonyeroghe worinyi mesonyi konyu seji Jesu Kristo oresulubishiroghe?

MABONYO GHA WADUMI 20:29

Ini namanya iji naghenda, mchachelwa ni vikwau vibirie visene wughoma na chagha;

MABONYO GHA WADUMI 15:1

Korekoghe na wandu wamu werechieghe Antiokia kufuma Judea, wikazoya kuwifundisha wanidu wikighamba, “Msaashamishwa karakara na mzango ghwa Musa, ndemdimagha kukia anduangi.”

MABONYO GHA WADUMI 15:24

Dasikire wei wandu wamu wifumie mzedu wachemjisha wasi na kum'bwagha ngolo kwa malagho wighighorie; ela isi ndederewidumieghe anduangi.

1 TIMOTHEO 1:9

ukimanya kukaia Sharia ndeerewikiloghe kwa wundu ghwa awo wibonyagha hachi, ela edewikwa kwa wundu ghwa waleghi sharia, na wandu wisesikiragha; kwa wandu wisemuobuagha Mlungu, na wakaung'a; kwa wandu wiseelie, na awo wisemwichi Mlungu; kwa wandu wibwaghagha weke ndee, na weke mae; kwa wabwaghi wandu,

TITO 1:6

Mghosi ukaie mundu usewadie ikosa jingi, mndwawomi wa muka umweri, uko na wana wirumiriagha, wiseghorwagha kwa maza rizamie kwa kulegha kusikira.

1 JOHANE 2:4

Mndungi ukaghamba wei wamwichi, nao ndeisikiragha memu yake, ni mtee; na ija loli ndeiko andenyi kwake anduangi.

MATHAYO 23:14

Ni bugha konyu inyo walimu wa Sharia na Mafarisayo, waji-kuwi! Angu mwadaiwia waka wakiwa, sena mkilomba malombi mengi mpate kukaswa. Mchapata kutanywa kubaa.]