RUTHU 4:2 - Biblia Ilagho Jiboie Kwa Wandu Wose

² Nao Boazi ukawada waghosi wa muzi ikumi, ukawilomba nawo weni wisee kidombo aho; nawo wikasea kidombo.

RUTHU 4:2 Referans Kwoze

MAKATANISHO 31:23

Mumi ni mundu umanyikie andu kokwania kwa muzi; andu useanyagha kidombo na waghosi wa isanga.

1 WAZURI 21:8

Niko ukaandika barua na kuringira sahihi ya Ahabu; ukarikaba mhuri ghwa Ahabu, na kuriduma kwa wabaa na vilongozi wikaianyagha na Nabothi mzinyi kwake.

MABONYO GHA WADUMI 6:12

Kwa chia iyo wikademua wandu na waghosi, na walimu wa Sharia; nawo wikacha wikammbwada Stefano na kumreda mwandunyi;

KILILO CHA JEREMIA 5:14

Waghosi walekie kukaia na mandu mbengenyi; wandu wa irika walekie kubora.

KUFUMA 21:8

Ikakaia usem'boiagha bwana wake uo oremsaghueghe uumbuse, uchamsigha ukombolo ni ndee uja mwai; uja bwana ndechaakaia na hachi emuuza kwa wandu wa kighenyi anduangi, angu usem'bonyere agho ghiko gha hachi.

WUKUMBUSO 31:28

Nikwanyienyi waghosi wose wa vichuku venyu na wabaa wenyu, eri nipate kughora agha malagho wikisikira, na kuwanga mlungunyi na ndoenyi rikaie washahidi aighu yawo.

WUKUMBUSO 29:10

“Inyo mmbose moko aha kimusi imbiri ya BWANA Mlungu onyu idime. Vilongozi va vichuku venyu, waghosi wenyu, na wabaa wenyu; wandu wose wa Israeli.

WUKUMBUSO 25:7

Na ikakaia uo mundu ndeukunde kukanya na mkamruna, niko uo mkamruna uchaghenda mbengenyi kwa waghosi andu kokwania na kughamba, ‘Mruna mumi wapo ndekunde kuikatisha iyo kazi ya mruna kwapo.’