RUTHU 2:2 - Biblia Ilagho Jiboie Kwa Wandu Wose

² Ituku jimu, Ruthu M'moabu ukamzera Naomi, “Leka niendeshoa masighariko gha vanga vawuyasighwa na nyuma ni waja wandu wawuyakuwida mbuwenyi, kewada nadima kutalika.” Naomi ukamzera, “Ghenda mao.”

RUTHU 2:2 Referans Kwoze

WALAWI 23:22

“Iji mwakakuwida viro venyu, mseinje vija va mwanonyi ghwa mbuwa renyu, hata msakewuria kusaka masighariko; mughisighie wakiwa na waghenyi; Ini ne BWANA Mlungu onyu.”

WALAWI 19:9

“Iji kwakakuwida mavalo gha mbuwenyi kwako, kulindie kusekuwide vose, hata va mwanonyi, hata kusakesaka masighariko gharo.

RUTHU 2:7

Waanilomba nimneke rusa ushooghee masighariko gha viro nyuma yedu, nao kufuma nakesho odeeka kishoa hata idana; waahora idakoni kijunyi.”

WALAWI 19:16

Kusekaie mundu wa ighu ighu kwa madedo ghako sa mghori tee aghadi ya wandu wako, hata kusetangale hachi ya mmbenyu ngelo etanywa kufwa; ini ne BWANA.

WALAWI 19:10

Wokoni iji kwakakuwida zabibu rako, kusakewuria kukuwida masighariko gharo, hata kuseshoo iro rapotoka andonyi; ivo vose kuwisighie wakiwa na waghenyi; Ini ne BWANA Mlungu wako.

RUTHU 2:3

Ruthu ukaghenda cha mbuwenyi, ukakaia ukiwinugha na nyuma awo wandu werekoghe wikikuwida, ukashoa agho masighariko gha vanga va viro werevisighieghe, na kwa bahati, iyo mbuwa erekoghe ni ya Boazi uo orekoghe wa kichuku cha weke Elimeleki.

KUZOYA 32:6

Nao waja wadumiki wikawuya kwa Jakobo wikighamba, “Davika kwa mwanyinyu Esau, nao wawuyacha kukumara uko na wandu maghana ana.”

1 SAMUELI 1:18

Hana ukatumbulia, “Nalomba nirumirikie mesonyi kwako ini mdumiki wako.” Nao uo muka ukafuma ukaghenda chia yake hata nderewonekieghe kukaia na wasi ghungi sena anduangi.