OBADIA 1:5 - Biblia Ilagho Jiboie Kwa Wandu Wose

⁵ “Vitoi vikacha nakio, vadawusa vilambo wikunde. Wandu wikakawaya zabibu, wasigharagha rimu ndinieri. Ela wamaiza wako weekumeria putu.

OBADIA 1:5 Referans Kwoze

JEREMIA 49:9

Welee, wandu wikacha kwako kuwaya zabibu ndewichaasigha rimu? Na vitoi-e; wikacha nakio ndawadaiwa putu ra kuwikata?

WUKUMBUSO 24:21

Kukameria kuwaya zabibu rako mbuwenyi kwako, kusakewuria indo ja kawi; iro rasigharika ni ra mghenyi omara-mara, na mwana mkiwa, na muka mkiwa.

ISAYA 17:6

Wichasigharika wandu watini, na Israeli uchafwanana na mzeituni ghuwailo ndembe rake rikasigharika iwi idadu tu changalamdo, angu inya isanu huwu mbashunyi ra nandonyi, ini BWANA, uo Mlungu wa Israeli naghamba.”

ZEFANIA 2:15

Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

KILILO CHA JEREMIA 1:1

Muzi ghwa Jerusalemu ghorechuloghe ni wandu ghwasighwa wada mduu! Muzi ghorenekeloghe ishima ni wurumwengu ghwakaia wada idana sa muka mkiwa! Muzi ghuboie kuchumba yose ghwangirie wuzumbenyi.

JEREMIA 50:23

Yakaia wada Babuloni iyo erekabieghe ndoenyi kose na kubara na nyondo, kughushwa andoenyi na kubarwa huwo? Yakaia wada iwuye kilambo cheshinikilwa aghadi ya iro mbari ra wandu!

ISAYA 24:13

Huwu niko kutua kwa mbari rose ra ndoenyi kuchaakaia, ni seji zeituni rikuwidwagha na kumerelwa kufuma midinyi, na seji zabibu risholwagha nyuma ya makuwido gharo.

ISAYA 14:12

“Kwaserwa wada kufuma mlungunyi ee mzuri wa Babuloni? Oho korekoghe sa nyerinyeri ya luma lwa nakesho! Kwaserwa wada hata andoenyi? Oho korekoghe kwarisima mbari rose!

2 SAMUELI 1:19

“Mundu orekoghe wubaa ghwako ee Israeli, wabwaghilo aighu mighondinyi kwako Agha mang'oni ghaghue wada!

WUFUNUO 18:10

nawo wichakaia kimusi kokula, wikiobua agho matiriro ghake na kughamba, “Weei! wee ngai muzi m'baa! Oho muzi m'baa Babuloni! Kutanywa kwako kwaacha kwa saa imweri woruwu.”

JEREMIA 6:9

BWANA wa majeshi ukanizera, “Kwanyenyi masighariko gha Israeli nicha, seji mundu ukuwidagha zabibu, ukiwuria-wuria a mbashunyi raro.”

OBADIA 1:9

Wandu wako wa wuda ee Temani, wichangirwa kiture, na kula asikari wa isanga ja Edomu, uchabwaghwa.