OBADIA 1:3 - Biblia Ilagho Jiboie Kwa Wandu Wose

³ Lukaso lwako lookukalia, Muzi ghwako m'baa ghooka na ngome riaghilo na magho ghikurie; nyumba yako eeka aighu mghondinyi; niko kwawuyaghamba, ‘Nani udimagha kunighusha andonyi?’

OBADIA 1:3 Referans Kwoze

JEREMIA 49:16

Kuobosha kwako na lukaso lwa ngolo yako lwamerie kukukalia, ee, oho kukaiagha mbangenyi ra magho, na aighu ya mghondi. Hata ngera kwabonyere kijungu chako ighu sa cha indu, BWANA uchakusera andonyi.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

ISAYA 16:6

Wandu wa Juda wikatumbulia, “Dasikire seji wandu wa Moabu wikukasire; daichi seji wikudukie na kukuwona, ela kukuduka kwawo ni kwa duu.”

2 WAZURI 14:7

Amazia ukabwagha Waedomu elfu ikumi aho Vololo ya Chumbi, ukawada muzi ghwa Sela wudenyi, ukaghuwanga Joktheeli, nagho ghwaduagha ghukiwangwa huwo hata linu.

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

JEREMIA 49:4

Kwaki mkukasagha na vololo renyu inyo wandu mseko waloli, mwawuyakusaghika na mali renyu mkighamba, ‘Nani udimagha kulwa nesi?’

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

MAKATANISHO 16:18

Kukujosa kwadareda kunoneka; na roho ya lumenyo yadareda kughwa.

2 MALAGHO GHA NGELO 25:12

Wandu wa Juda wikawada wandu wamu wimoo elfu ikumi, wikaghenda nawo aighu ya igho ibaa, na kuwichunua ighambenyi; nawo wose wikachika vipande-vipande.

2 MALAGHO GHA NGELO 25:11

Amazia ukakufungisha ndighi, ukawilongoza wandu wake cha Vololo ya Chumbi, ukawibwagha wandu elfu ikumi wa Edomu.

AYUBU 20:6

Ukeduakujosa uvike mawingunyi, na chongo chake chiadadeghe marundu,

JEREMIA 21:13

“Ola neko aighu yako ee Jerusalemu, kukaiagha ighu kuchumba vololo andu kwa wurindi ghwa magho, inyo mghambagha, ‘Nani udimagha kuchalwa nesi? Na wei, nani udimagha kungia andu kodu?’

JEREMIA 37:9

Ini BWANA naghamba huwu, Msakekukalia mmbeni mkighamba, wei Wababuloni ndewichaawuya; kwa kukaia wichawuya.

JEREMIA 48:28

“Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

KUZOYA 36:8

Kwa huwu Esau, (nuo Edomu), ukakaia mighondinyi isanga ja Seiri.

EZEKIELI 28:16

Kwa wundu ghwa wungi ghwa biashara yako, korengiriloghe ni lung'eto kukabonya kaung'a. Kwa huwo nerekukumbieghe noko sa kilambo chisekundikie, kufuma mghondinyi ghwa Mlungu; na uo malaika mlindiri ukakufunya shighadi, kufuma ghadi na ghadi ya magho ghiakaaka gha zoghori mbaa.