OBADIA 1:16 - Biblia Ilagho Jiboie Kwa Wandu Wose

¹⁶ Wandu wapo wanyue kikombe chibirie cha makabo aighu ya mghondi ghwapo ghwa wueli. Ela mbari rose riko mbai-mbai richanywa kikombe chekabwa chibirie kuchumba; wichachinywa chose hata wisie.

OBADIA 1:16 Referans Kwoze

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

JEREMIA 49:12

“Ikakaia awo wiserekoghe wenywa icho kikombe cha makabo, suti wichinyo, welee, kuchaghenda kusepatire ikabo? Ndekuchaaghenda kusepatire ikabo, ela suti kunyo icho kikombe.

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?

HABAKUKI 1:9

“Majeshi ghawo wadapata wusimi kwa kutumia ndighi; wikakacha wadaobosha kula mundu. Wafungwa wawidwa wunyika ni wengi sa msangagha.

ISAYA 42:14

Mlungu waghamba, “Nanyame kima luma, nanyame hata ngasirimika. Ela idana nichakema kara kara na muka ukumbagha lufu kwa kuva ngisoda-soda kwa ndighi.

KILILO CHA JEREMIA 4:21

Sekenyi inyo wandu wa Edomu na Uzi; boilonyi seji mchaadima. Na oho wokoni kuchelwa ni wasi; kutatarike kuko duu kwa waya.