NEHEMIA 9:4 - Biblia Ilagho Jiboie Kwa Wandu Wose

⁴ Korekoghe na kiwayo kwa wundu ghwa Walawi. Jeshua ukakaia kimusi aighu yaro, chiaimweri na Buni, Kadmieli Shabania, Buni, Sherebia, Buni, na Kenani. Wikamlomba BWANA Mlungu wawo kwa lwaka lubaa.

NEHEMIA 9:4 Referans Kwoze

NEHEMIA 8:7

Niko wikawuka na kukaia andu koni werekoghe, na Walawi winughagha wikawitesia kuelelwa ni Sharia: Jeshua, na Bani, na Sherebia, na Jamini, na Akubu, na Shabethai, na Hodia, na Maaseia, na Lekita, na Azaria, na Joisabadi, na Hanani na Pelia.

NEHEMIA 12:8

Walawi ni awa: Jeshua, Binui, Kadmieli, Sherebia, Juda, na wokoni Matania; uo chiaimweri na waruna, werekoghe wazighaniri wa chumbo refunya chwawucha.

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

2 MALAGHO GHA NGELO 20:19

Walawi wa kivalwa cha Kohathi na cha Kora wikawuka kimusi kumkasa BWANA, Mlungu wa Israeli kwa lwaka lubaa na ndighi.

MABONYO GHA WADUMI 7:60

Nao ukadunga ngokoro ukakema na lwaka lubaa, “Bwana kusekewitalia kaung'a ihi.” Uendaghora huwo, ukafwa.

JOHANE 11:43

Umeria kughora agho, ukawanga kwa lwaka lubaa, “Lazaro! Fuma shighadi!”

KILILO CHA JEREMIA 3:8

Nakema ngilola wutesia, ela Mlungu walegha kunisikira.

ZABURI 130:1

Naawuyakulilia nifue ngolo putu ee BWANA.

ZABURI 77:1

Nakema nandighi kwa Mlungu; nakema upate kunisikira.

ZABURI 3:4

Nadamkemia BWANA, nao wadanitumbulia kufuma mghondinyi ghwake ghwa wueli.

NEHEMIA 3:17

Walawi winughagha wereaghieghe sena chuwaru ndazi rinughie ra wurigha nawo ni: Rehemu mwana wa Bani oreaghieghe luwaru lunughie, Hashabia m'bonyi nguma wa nusu ya isanga ja Keila: oreaghieghe luwaru lunughie lwa isanga jake.

NEHEMIA 8:4

Ezra orekaieghe aighu ya kiwayo cha midi werechibonyereghe kwa wundu ghwa ilagho ijo. Orekwanyeghe na Matithia, Shema, Anaia, Uria, Hilkia, na Maaseria wiko kimusi chia ya mkonu ghwake ghwa kiwomi; Pedaia, Mishaeli, Malkija, Hashumu, Hashbadana, Zakaria na Meshulamu werekoghe chia ya mkoonu ghwake ghwa kiwaka.