NEHEMIA 9:35 - Biblia Ilagho Jiboie Kwa Wandu Wose

³⁵ Werebonyereghe nguma aighu ya wandu wako kwa irasimio jako; wikakaia andenyi ya isanga ibaa jinorie korewinekieghe, ela wikalemwa ni kusigha kaung'a na kukughalukia oho.

NEHEMIA 9:35 Referans Kwoze

WUKUMBUSO 28:47

BWANA Mlungu wako orekunekieghe vindo vose kwa wungi, na oho kukalegha kumdumikia kwa ngolo ya kuboilwa;

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

NEHEMIA 9:25

Wandu wako wikawada mizi iko na ngome, na isanga jinorie; Wikawada nyumba richue vilambo vose viboie, viriwa vikotero, mbuwa ra mizabibu, mbuwa ra mizeituni, na midi ya matunda kwa wungi. Kwa huwo wikaja, wikaghuda, na kubanda; wikaboilwanya na wucha ghwako m'baa korewinekieghe.

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”

NEHEMIA 9:34

Wazuri wedu, na wabaa wedu, na wakohani wedu na weke aba, ndewiiwadie Sharia yako. Ndeweresikireghe malaghiro ghako korewinekieghe.

ISAYA 63:7

Nichalughora ulo lukundo lukatie lwa BWANA, na kumkasa BWANA kwa maza rose oredibonyereghe, na wucha ghose ughubonyere kwa nyumba ya Israeli kwa wughoma ghwake, karakara na ugho wungi ghwa lukundo lwake lukatie.

WUKUMBUSO 28:48

kwa wundu ugho, kuchawidumikia wamaiza wako, awo BWANA uchaawiduma kulwa na oho, kuko njala, na kau, kuko duu, sena kwasowekelwa ni vilambo vose. Nao uchakukoronga nandighi, hata umerie kukutotesha putu.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.