NEHEMIA 9:29 - Biblia Ilagho Jiboie Kwa Wandu Wose

²⁹ Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

NEHEMIA 9:29 Referans Kwoze

NEHEMIA 9:16

Ela weke aba wikang'eta na kukukasa, wikalegha kusikira malaghiro ghako.

WALAWI 18:5

Kwa huwo, mmbwadie sharia rapo na memu yapo, na kwa kubonya huwo mundu uchadua moyo, Ini ne BWANA.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

NEHEMIA 9:10

Korewonyereghe weke mwakilimbiti na mashiniko kwa mzuri na wadumiki wake wose, na wandu wose wa isanga jake, angu koremanyireghe seji wiwikorongie wandu wako. Kukakubonyera kumoni irina, sa iji koni jiko idime.

HOSEA 6:5

Iyo niyo sababu nidumie walodi konyu na ilagho jetanya na kutotesha. Agho nighikundagha gheko worinyi konyu.

JEREMIA 43:2

Azaria mwana wa Hoshaia, na Johanani mwana wa Karea, na wandu wose wikudukie wikanizera, “Kuaghora tee. BWANA Mlungu odu ndekudumie kudizere diseghende Misri kukaia aho;

WAGALATIA 3:12

Ela Sharia ndeikusaghikagha na irumirio, angu seji iandikilo, “Uo uibonyagha Sharia uchadua moyo kwa io.”

WAROMA 10:5

Musa oreandikieghe kukaia, mundu uo ose ubonyagha hachi kwa chia ya kuikatisha Sharia uchakaia moyo.

LUKA 10:28

Nao ukamzera, “Kwatumbulia nicha, bonya agho na oho kuchakaia moyo.”

DANIELI 5:20

Ela iji orekujosereghe ngolonyi kwake, na kukurisha ngolo yake ukikukasa, oreinjiroghe kufuma kifumbinyi chake cha nguma.

EZEKIELI 20:11

Ngawineka memu yapo na kuwiwonyera sharia rapo, iro mundu ukariwadia ukaiagha moyo.

JEREMIA 44:10

Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

2 MALAGHO GHA NGELO 36:15

BWANA, uo Mlungu wa weke ndee, orekoghe ukiwidumia wadumwa wake sena na sena, angu orekoghe na wughoma kwa wandu wake, na Andu kwake Kokaia.

2 MALAGHO GHA NGELO 24:19

Hata huwo saki Mlungu orekoghe ukiwidumia walodi upate kuwiwunja kwake, nawo wikawishuhudia, ela wandu wikalegha kusikira.

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

WUKUMBUSO 31:21

Na iji wapatwa ni mawiwi na kusumbuka kungi, ulu lumbo luchakaia lukinishuhudia aighu yawo, (angu luchadua lukiborwa ni wandu wa kivalwa chawo) kwa kukaia namanya seji wikunde kubonya hata imbiri nisewingirie ijo isanga nilaghirie nichawineka.”

WUKUMBUSO 4:26

Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

MATHAYO 19:17

Jesu ukamzera, “Kwaki kunikotiagha ja ijo jiko icha? Oko umweri tu uko mucha. Ela iji kukunde kungie iranginyi kuiwadie memu.”

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

NEHEMIA 13:15

Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

JEREMIA 42:19

“BWANA wamzera huwu ee masighariko gha Juda, ‘Mseghende Misri.’ Manyenyi kukaia namghoria idime iji

WUKUMBUSO 31:27

Angu naichi seji mghilikie; wandu msesikiragha. Kamanya mwawuyamlegha BWANA niko moyo dikwanye, ni kuchumba saki iji nafwa!

WATANYI 6:10

Niko ngamzera kukaia ini ne Bwana Mlungu onyu, msaketasa milungu ya Waamori awo mwawuyakaia isangenyi jawo. Ela ndemorenisikireghe anduangi.”

2 WAZURI 17:14

Ela ndeweresikireghe, wikakaia wighilikie sa weke ndee, awo wiseremrumirieghe BWANA Mlungu wawo.