NEHEMIA 9:26 - Biblia Ilagho Jiboie Kwa Wandu Wose

²⁶ “Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

NEHEMIA 9:26 Referans Kwoze

1 WAZURI 14:9

Ela oho kwabonyere mawiwi kuchumba agho ghose gherebonyeroghe ni wazuri werekoghe imbiri kwako. Kwakubonyere kumoni milungu mizima na fwana rechana; kukanilegha kwa kuwusira machu ghapo.

NEHEMIA 9:18

Werekubonyereghe weni mlimu ghufwanane na ngache; wikaghamba wei uo nuo mlungu wawo uwifunyire isanga ja Misri. Werekuvavirieghe na ndighi BWANA.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.

1 WAZURI 19:10

Ukatumbulia, “Naabwaghwa ni iriso jako BWANA Mlungu Uwadie-Ndighi-Rose; kwa kukaia wandu wa Israeli wasighie malaghiro ghako, wikachikanya madhabahu ghako, na kubwagha walodi wako kwa lufu. Idana naasighwa niekeri, nawo waawuyalola kunibwagha.”

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

MATHAYO 21:35

Nao walimi wikawada wadumiki wake, umu wikamkaba, na umu wikam'bwagha, na mzima wikamlasa na magho.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

ZABURI 50:17

Oho kwadazamilwa ni kufundishwa, na kulegha malagho ghapo.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

2 WAZURI 21:11

“Kwa kukaia Manase mzuri wa Juda wabonya malagho ghizamie kuchumba, na kubonya maza mbiwi kuchumba ghose gherebonyeroghe ni Waamori werekoghe imbiri kwake hata washekeria Juda kubonya kaung'a etasa milimu wokoni,

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

WATANYI 10:6

Wandu wa Israeli wikam'bonyera BWANA kaung'a sena; wikawidumikia weke Baali na Ashtarothi, chiaimweri na milungu ya Siria, na Sidoni, ya Moabu na ya Waamoni, na milungu ya Wafilisti, wikamsigha BWANA hata ndeweremdumikieghe anduangi.

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 16:11

Niko kuchawizera, ‘Ni kwa kukaia weke ndeyo wanisighie, nawo wanughie milungu mizima, wikaidumikia na kuitasa, wikanilegha hata ndewereiwadieghe sharia yapo anduangi.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 42:19

“BWANA wamzera huwu ee masighariko gha Juda, ‘Mseghende Misri.’ Manyenyi kukaia namghoria idime iji

KILILO CHA JEREMIA 3:42

“Dabonyere kaung'a dikakulegha, na oho ee BWANA ndekudifuye wughoma.

WUKUMBUSO 32:14

Ng'ombe na mburi rawo rerefunyireghe mariwa kwa wungi; werekoghe na ng'ondi riboie, mburi na ng'ombe, mufu ghwa ngano ghudendere, na divei ndicha.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

2 WAZURI 21:10

Nao BWANA ukawizera wadumi wake walodi,

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.