NEHEMIA 9:17 - Biblia Ilagho Jiboie Kwa Wandu Wose

¹⁷ Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

NEHEMIA 9:17 Referans Kwoze

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

WAROMA 9:15

Angu oremzerieghe Musa, “Nichamfuya wughoma uo nikunde kumfuya wughoma, na kummbonia wughoma uo nikunde kummbonia wughoma.”

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

1 WAZURI 6:13

Nani nichakaia aghadi ya wandu wapo Israeli, hata sichaawida anduangi.”

ZABURI 106:7

Iji weke wawa werekoghe Misri, ndeweretalieghe kazi rako ra mashiniko; ndewerekumbukieghe wungi ghwa lukundo lwako lukatie, ela wikamlegha Uo-Uko-Aighu-Nandighi aja Bahari ya Shamu.

ZABURI 78:11

Wereghiliwieghe agho oreghibonyereghe, na awo weke mwakilimbiti werewonieghe ukiwibonya.

1 WAZURI 8:57

BWANA Mlungu odu ndekaie andwamweri nesi sa iji koni orekaieghe na weke wawa wedu; usakedisigha kuleghaditala.

ZABURI 106:13

Ela shwa wori wikaliwa kazi rake, wikabonya malagho kuseko na njama yake.

ZABURI 130:4

Ela kwadadifuya wughoma, dipate kukuobua oho.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

MABONYO GHA WADUMI 7:39

“Weke aba wereleghieghe kumsikira, wikamsindika na mbai, na ngolo rawo rikawuya Misri;

MAKATANISHO 1:24

Nammbangie, mkalegha kusikira; namnekie wutesia, mkaghulegha.

MITALO 16:14

Chiaimweri na agho, ndekudighenjere ijo isanga jinorie, hata kudineka ifwa jingi ja mbuwa, hata mbuwa ra mizabibu. Kookunda kudiwunja vitungure? Ndedichagha.”

MITALO 14:41

Ela Musa ukawizera, “Da kwaki msemsikiragha BWANA? Ndemchaasima.

MITALO 14:11

BWANA ukamzera Musa, “Awa wandu winimenya hata lii? Widua wisenirumirie hata lii kunughana na awa weke mwakilimbiti wose nibonyere aghadi kwawo?

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.

DANIELI 9:9

Oho Bwana Mlungu odu ko wa wughoma, kulekagha makosa, hata ngera dakuleghie.

NAHUMU 1:3

BWANA ndekaiagha wa shwa-shwa kubonya machu, ela wawadie kudima. Ndemsighagha mkosi usemkabie; wadasela andenyi ya kikulughulu na kiremba; mawingu ni teri yawusirwa ni maghu ghake.

KUFUMA 32:9

Nawiichi angu ni wandu wighilikie wiseghalukagha.

WALAWI 26:44

Elaima kwa agho ghose, ngelo wikikaia isanga ja wamaiza wawo, sichaawisigha putu hata kuvikia kuwinona anduangi, hata sichaajiinja ilaghano japo nerejibonyereghe nawo, angu Ini ne BWANA Mlungu wawo.

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.

2 MALAGHO GHA NGELO 36:13

Sedekia ukamlegha mzuri Nebukadnezari uo oremghemeshereghe kwa irina ja Mlungu. Ukaghilika na kukurisha ngolo yake usemghalukie BWANA, uo Mlungu wa Israeli.

EZRA 9:9

Isi derekoghe wazumba, ela ndekudisighie wuzumbenyi anduangi. Kwam'bonyere Mzuri wa Pashia udipendelie, na kudirumiria dikaie moyo eri diiaghe Hekalu yako erenoneloghe, sena dikaie banana andenyi ya Juda na Jerusalemu.

ZABURI 78:10

Ndewerejiwadieghe ilaghano jawo na Mlungu, wikalegha kusikira sharia rake.

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 18:15

Ela wandu wapo awo wanisighie, wadafukiria milungu ya tee marumba; Wamerie kukuwa kwa chia rawo, iro chia rawo ra kala; nawo wanughie chia zima riseboisiro.