NEHEMIA 9:15 - Biblia Ilagho Jiboie Kwa Wandu Wose

¹⁵ “Korewinekieghe vindo kufuma mlungunyi iji werekoghe njala; kukawifunyira machi ighonyi iji werekoghe kau. Kukawizera wijiwuse isanga korewilaghirieghe kuchawineka.

NEHEMIA 9:15 Referans Kwoze

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

KUFUMA 17:6

Ola nichakaia kimusi imbiri kwako aighu ya igho aja Horebu, na oho kuchajikaba igho, najo jichafunya machi, wandu wipate kunywa.” Musa ukabonya woruwo waghosi wa Waisraeli wikiwona.

KUFUMA 16:4

Niko BWANA ukamzera Musa, “Ola nichanyesha mikate kufuma mlungunyi kwa wundu ghonyu; na wandu wichafuma kushoa ifungu jekata kula ituku, nipate kuwitima ngera wichanugha malaghiro ghapo angu ngera ndewichaaghinugha.

EZEKIELI 20:15

Aighu ya agho, nerewighemieghe ahoeni kireti kukaia, sichaawingira jija isanga nerewinekieghe, isanga jinorie nandighi, jiboie kuchumba masanga ghose,

ZABURI 114:8

uo ughalusagha igho jiwuye kiriwa cha machi, na igho jikurie jiwuye ndoria ya machi.

WUKUMBUSO 8:3

Ukamfundisha kuida andenyi ya maza rikurie kwa kumsigha mkaie njala, ima ukamneka mana muje, iyo msereiichighi, hata na weke ndeyo wori; eri mpate kumanya angu mdamu ndekaiagha moyo kwa vindo veni anduangi, ela wadakaia moyo kwa kula ilagho jidedwagha ni BWANA.

NEHEMIA 9:20

Korewinekieghe Roho wako mucha owifundisha; korewinekieghe mana na machi ghenywa.

WUKUMBUSO 1:21

Wonenyi BWANA Mlungu onyu wammbikia isanga imbiri konyu; jokenyi mujiwade sa iji koni BWANA Mlungu wa weke ndeyo umzerie; msakeobua hata msakefwa ngolo.’

MITALO 14:30

ndeuko mndungi uchaavika ijo isanga andu nerelaghirieghe mchakaia; ela Kalebu mwana wa Jefune na Joshua mwana wa Nuni weni.

KUZOYA 14:22

Ela Abramu ukamzera mzuri wa Sodoma, “Naghema kwa BWANA MLUNGU Uo-Uko-Aighu-Nandighi, muumbi mlungunyi na ndoenyi,

KUFUMA 6:8

Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

ISAYA 48:21

Iji orewighenjereghe kireti, ndewerewonieghe kau ingi; orebonyereghe machi ghifume ighonyi, orebarieghe igho, na machi ghikafuma.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.