NEHEMIA 8:5 - Biblia Ilagho Jiboie Kwa Wandu Wose

⁵ Ezra ukachikuchua chuo wandu wose wikiwona, angu orekoghe andu kuko ighu kuchumba wandu wose; hata iji wachikuchua, wandu wose wikawuka kimusi.

NEHEMIA 8:5 Referans Kwoze

WATANYI 3:20

Niko Ehudi ukamchea uko kidombo uekeri andenyi ya chumba chake cha mbeo, ukamzera, “Neko na malagho ghafuma kwa Mlungu kwa wundu ghwako.” Nao mzuri ukawuka kimusi.

1 WAZURI 8:14

Nao Mzuri Solomoni ukawighalukia wandu wa Israeli werekoghe kimusi, ukawirasimia.

1 WAZURI 8:12

Niko Solomoni ukaghamba, “BWANA kwawikie iruwa mawingunyi, ela sena kwaghambie kwadima kukaia andenyi ya iwingu jikambie.

NEHEMIA 8:3

Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.

NEHEMIA 8:4

Ezra orekaieghe aighu ya kiwayo cha midi werechibonyereghe kwa wundu ghwa ilagho ijo. Orekwanyeghe na Matithia, Shema, Anaia, Uria, Hilkia, na Maaseria wiko kimusi chia ya mkonu ghwake ghwa kiwomi; Pedaia, Mishaeli, Malkija, Hashumu, Hashbadana, Zakaria na Meshulamu werekoghe chia ya mkoonu ghwake ghwa kiwaka.