NEHEMIA 8:15 - Biblia Ilagho Jiboie Kwa Wandu Wose

¹⁵ Niko wikaeresha malagho agho mizinyi kwawo kose, na Jerusalemu, “Ghendenyi mighondinyi mrede masawi gha mizeituni na mizeituni ya isakenyi, na mitende na midi iko na malemba, m'bonye viwanda seji iandikilo sharienyi.”

NEHEMIA 8:15 Referans Kwoze

WALAWI 23:40

Ituku ijo ja imbiri kudo matunda ghiboie gha imbiri kufuma kwa midi yako, na mbashu ra mitende, na mbashu ra midi iko na malemba, na maria ghiko mbai mbai ya meda; nao kuboilo imbiri ya BWANA Mlungu wako kwa matuku mfungade.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.

WALAWI 23:4

Mtangaze iro Ndima ra wueli riwikilo kwa ngelo raro.

WUFUNUO 7:9

Nyuma ya agho, nerezighanireghe ngawona izungu ibaa nandighi ja wandu, mndungi usedimagha kujitala; jerefumieghe kula mbari, na kula kichuku, na wandu, na viteto, jikikaia kimusi imbiri ya icho kifumbi cha nguma na imbiri ya uo Mwana wa Ng'ondi, jirwae nguwo ra chokwa, wiko na maghangachi mikonunyi kwawo,

JOHANE 12:13

Wikafuma kummara wikidwa masawi gha mitende, na kukasa kwa lwaka wikighamba, “Hosana! Warasimilwa uo uchagha kwa irina ja Bwana. Nderasimilo Mzuri wa Israeli.”

MATHAYO 21:1

Hata iji Jesu na wanughi wake werekoghe kaavui na Jerusalemu, wikavika Bethfage kwa Mghondi ghwa Mizeituni; niko Jesu ukawiduma wawi wa wanughi wake,

KUZOYA 8:11

na mbughi ikammburia luma lwa kenyi, nao ola yadwae ilemba iwishi ja mzeituni momunyi kwake. Niko Nuhu ukamanya angu machi ghapungua ndoenyi.

ZEKARIA 1:8

Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.