NEHEMIA 6:19 - Biblia Ilagho Jiboie Kwa Wandu Wose

¹⁹ Wandu wedeeka wikija malagho mecha maduu gha Tobia imbiri yapo, na kumghenjera malagho ghapo. Niko Tobia oreniandikiagha barua reniturusa.

NEHEMIA 6:19 Referans Kwoze

1 JOHANE 4:5

Awo ni wa wurumwengu, na agho wighoragha ni gha wurumwengu, na wurumwengu ghwadawisikira.

JOHANE 15:19

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

MAKATANISHO 28:4

Awandu wisighie sharia wadakasa wandu wizamie, ela awa wiiwadie sharia wadasimana nawo.

NEHEMIA 6:13

Wedemkodisha unituruse nibonye kaung'a, eri winone ishima japo na kunifusha waya.

NEHEMIA 6:9

Wedekunda widituruse wikighesha, wei dichasigha iyo kazi. Ngalomba, “Kunineke ndighi ee Mlungu.”

NEHEMIA 6:18

Wandu wengi wa Juda wedewadana nao kwa wundu ghwa mghosi wake wa Kiyahudi Shekania mwana wa Ara. Wokoni na mdawana wake uwangwaghwa Jehohanani odelowua mwai wa Meshulamu mwana wa Berekia.

NEHEMIA 7:1

Idana wurigha ghwameria kuaghwa sena, na mbenge kuwikwa; walindiri Hekalu wawikwa, wabori na Walawi wawikwa.