NEHEMIA 6:13 - Biblia Ilagho Jiboie Kwa Wandu Wose

¹³ Wedemkodisha unituruse nibonye kaung'a, eri winone ishima japo na kunifusha waya.

NEHEMIA 6:13 Referans Kwoze

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JAKOBO 4:17

Mundu umanyagha kubonya hachi, nao ndeibonyagha, kwake uo ni kaung'a.

2 TIMOTHEO 1:7

Angu Mlungu nderedinekieghe Roho wa wowa anduangi, ela oredinekieghe Roho wa kudima, na lukundo, na kukumazira.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

MAKATANISHO 29:5

Mundu ukunde kusesea-sesea mmbao wadakuwikia mdegho.

NEHEMIA 6:6

Barua erendikiloghe huwu: “Geshemu wanizera wei wandu wiko kaavui nesi wawuyaghora kukaia oho na Wayahudi mookunda kubonya sheshe, kedi niko mwawuyaagha wurigha. Na wei oho kookunda mzuri wawo, kunughana na malagho agho.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

2 WAKORINTHO 11:12

Ini nichadua ngibonya sa iji koni nawuyabonya, eri niwighirie awo wawuyaghora wikikukasa kwa wudumi ghwawo, wei kedi waawuyabonya sa isi diweni.

MABONYO GHA WADUMI 6:13

wikawika mashahidi wa tee awo wereghambieghe, “Uhu mundu toe wadaghora kiwiwi aighu ya Andu aha kwa Wueli na Sharia.

MATHAYO 26:59

Nao wakohani wabaa na mwandu ghose wikalola wushahidi ghwa tee aighu ya Jesu, wipate kum'bwagha;

MATHAYO 22:15

Nao Mafarisayo wikafuma wikaghenda kubonya njama seji widimagha kumdegha Jesu wimmbwade kwa madedo ghake.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

EZEKIELI 2:6

“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

JEREMIA 1:17

Ela oho, wuka kukuwike tayari kuwighorie agho malagho ghose nakulaghira. Kusakewifwa waya, nichekufwa waya imbiri kwawo.

ISAYA 57:11

BWANA wakotia, “Nani umngirie kiture mkamuobua hata mkawona mghore tee? Nenyo ndemoredimieghe kunikumbuka, hata kunighesha anduangi. Welee, kurumaghia kwapo kwa ngelo ndacha niko kwam'bonya mseniobuo?

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

MCHILI 7:1

Sare iboie yachumba mavuda gha zoghori mbaa, na ituku jefwa jaboie kuchumba jevalwa.

MAKATANISHO 22:1

Irina icha jafwana kuchumba mali nyingi; na kurumirikia kwafwana kuchumba feza angu dhahabu.

NEHEMIA 6:12

Ela nacheemanya kukaia Mlungu nderemdumieghe Shemaia kungi; odetuwa ni Tobia na Sanbalati unituruse kwa ugho wulodi.