Kwa wundu ugho, isi deeka wadumwa wa Kristo; na Mlungu waawuyamvoya inyo ukiditumia isi; nesi dikikaia wadumwa wa Kristo, damvoya inyo mpatanisho na Mlungu.
Wadakopesha ukikunda fwaida na kuwusa machurio; welee, mundu wa huwu wadima kukia? Hata, ndedimagha kukia. Mundu wa huwo ndedimagha kukaia moyo; wameria kubonya maza rose ra wuchafu, nao loli uchafwa, na kifwa chake chichamlawia moni.
Vutenyi sile rose morewilawiagha, ikaiagha pesa angu viro angu divei angu mavuda. Wiwunjirenyi mbuwa rawo, na mbuwa rawo ra mizabibu na mizeituni, na nyumba rawo shwa-shwa!”
Mcharileka huwu: Kula mundu umkopeshere mmbao Muisraeli uchaleka kumlawia; usewuemlawia mruna Muisraeli sena, kwa kukaia BWANA wamerie kutangaza sile rilekelo.
Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.