NEHEMIA 3:15 - Biblia Ilagho Jiboie Kwa Wandu Wose

¹⁵ Shalumu mwana wa Kolhoze, m'bonyi nguma wa isanga ja Mispa, oreaghieghe Mbenge ya Ndoria, ukaifinikira; ukangira minyango na vuma varo verugha. Ukaagha wurigha ghwa Kiriwa cha Shela kaavui na mbuwa ya mzuri, hata kuvikia viluwatiro viseagha kufuma Muzi ghwa Daudi.

NEHEMIA 3:15 Referans Kwoze

JOHANE 9:7

ukamzera, “Ghenda ndiwa ya Siloamu, kuoghe wushu” (kutambua kwaro irina ijo ni “Udumilo.”) Nao ukaghenda ukaogha, ukawuya ukiwona.

ISAYA 8:6

“Kwa kukaia wandu awa waleghie machi gha Shiloa ghiseagha mboa, na wulalo ghwaro wiasughusikia Mzuri Resini na Mzuri Peka mwana wa Remalia,

NEHEMIA 12:37

Wiendavika Mbenge ya Ndoria, wikajoka na viluwatiro vejoka cha muzi ghwa Daudi; wikaida ngome ya Daudi na kuwuya cha Mbenge ya Machi iichia cha mashariki ya muzi.

LUKA 13:4

Angu, awo ikumi na wunyanya wereghuloghe ni mnara aja Siloamu ghukawibwagha, muaghesha wedeeka wawiwi kuchumba wandu wazima wose werekaieghe Jerusalemu?

NEHEMIA 2:14

Niko ngaghenda cha kaskazinyi hata Mbenge ya Ndoria na kuvika Kiriwa cha Mzuri; ela iyo nyamandu nereijokieghe ikalemwa ni kuida.

JEREMIA 40:6

Nao ngaghenda kwa Gedalia mwana wa Ahikamu aho Mispa, ngakaia nao aghadi ya wandu weresigharikieghe isangenyi.

NEHEMIA 3:14

Malkija mwana wa Rekabu m'bonyi nguma wa isanga ja Beth-hakeremu oreiaghieghe Mbenge ya Wuchafu, na kuingiria minyango na vuma varo verugha.

NEHEMIA 3:12

Shalumu mwana wa Haloheshi m'bonyi nguma wa nusu ya isanga ja Jerusalemu oreaghieghe andu kumu, wikateselwa ni wai wake.

NEHEMIA 3:9

Refaia mwana wa Huri, m'bonyi nguma wa nusu ya isanga ja Jerusalemu, ukaagha andu kumu.

NEHEMIA 3:7

Melatia ufumie Gibeoni na Jadoni ufumie Meronothi, na wandu wifumie Gibeoni na Mispa wikaagha luwaru lunughie kuvikia andu m'baa wa isanga jiko magharibi ya Moda ghwa Eufrate ukaiagha.

2 MALAGHO GHA NGELO 32:30

Uo Hezekia nuo moni orevingieghe mkua ghwa lughu ghwa machi gha Gihoni, na kughighalua ghiserie na luwaru lwa magharibi lwa muzi ghwa Daudi. Hezekia ukawona nicha kwa kazi rake rose.

2 WAZURI 25:4

Hata ngera Wababuloni werekoghe waghurughaia ugho muzi, ela wurigha ghwa muzi ghorechikanyiroghe, na masikari ghose ghikakimbia nakio kwa chia ya mbenge ghadi na ghadi ya mawurigha awi, mbuwenyi kwa mzuri; wikaghenda kwa kunugha chia ya Vololo ya Jordani.

WATANYI 20:3

(Wabenjamini wikasikira kukaia wandu wa Israeli wajoka hata Mispa). Wandu wa Israeli wikaghamba, “Mudighorie wuwiwi ughu ghwabonyekie wada?”

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.

NEHEMIA 2:17

Niko ngawizera, “Mwawona wasi diko nagho, seji Jerusalemu ivuchukie, na mbenge raro rikorelo! Nndokonyi dighuaghe wurigha ghwa Jerusalemu diseduo na ughu waya.”

NEHEMIA 3:19

Ezeri mwana wa Jeshua, m'bonyi nguma wa Mispa ukaagha luwaru lunughie naimbiri ya nyumba ya maswagha, hata andu wurigha ghughalukiagha.

MCHILI 2:6

Nabonyere visima venyoshera midi niiwae.

2 SAMUELI 5:9

Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.