NEHEMIA 2:4 - Biblia Ilagho Jiboie Kwa Wandu Wose

⁴ Niko mzuri ukanikotia, “Da kwakunde wada?” Nao ngamlomba Mlungu wa mlungunyi,

NEHEMIA 2:4 Referans Kwoze

MAKATANISHO 3:6

Kum'bonye BWANA uwoneke kwa chia rako rose, nao uchakughenja nicha.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

NEHEMIA 1:11

Degha kudu kwako kusikire malombi ghapo ini mdumiki wako na gha wadumiki wako wose wiboilwagha ni kujibonyera ishima irina jako; kunineke kusima, na ini mdumiki wako nifuilo wughoma ni m'baa wa isanga.” Ngelo iro, ni ini nerekoghe mnyoshi divei wa mzuri.

MARKO 10:51

Jesu ukamkotia, “Kwakunde nikubonyereki?” Uja mundu ufue meso ukatumbulia, “Mwalimu, neekunda nipate kuwona.”

1 WAZURI 3:5

Nao ahoeni Gibeoni, BWANA ukamfutukia Solomoni ndodonyi nakio; Mlungu ukamzera, “Nilombe icho chose kukunde nikuneke.”

ESTA 7:2

Nao ijo ituku ja kawi, iji werekoghe wikinywa divei, mzuri ukamkotia Esta sena, “Kwakunde kii Malkia Esta? Kuchanekwa. Ilombi jako niki? Hata ngera ni nusu ya wuzuri ghwapo, jichakatishwa.”

ESTA 5:6

Hata iji werekoghe wikinywa divei, mzuri ukamkotia Esta, “Niki kukunde? Na oho kuchabonyerwa. Ilombi jako niki? Hata ngera ni nusu ya wuzuri kuchanekwa.”

ESTA 5:3

Nao ahoeni mzuri ukamkotia, “Ni wada Malkia Esta? Ilombi jako niki? Hata ngera ni nusu ya wuzuri ghwapo nichakuneka.”

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

NEHEMIA 2:5

ngamzera mzuri, “Kukawona nicha ee mzuri, na ini mdumiki wako ngarumirikia mesonyi kwako, kunineke rusa nighende isanga ja Juda, ugho muzi niendeghuagha.”

NEHEMIA 2:20

Niko ngawitumbulia, “U Mlungu wa mlungunyi uchadisimisha. Isi de wadumiki wake, nesi dichawuka diaghe sena; ela inyo ndemne hachi ya kilambo chingi Jerusalemu, hata ndemmbwadie ifungu jingi ja mawiko ghake.”

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

ZABURI 136:26

Mfunyirenyi chawucha Mlungu wa mlungunyi; lukundo lwake lukatie lwadua kwa kala.

MABONYO GHA WADUMI 23:19

M'baa wa majeshi ukammbwada mkonu, ukakaia nao mbalama na kumkotia kivisonyi, “Niki kwawuyakunda kunighoria?”