NEHEMIA 2:3 - Biblia Ilagho Jiboie Kwa Wandu Wose

³ Ngamtumbulia mzuri, “Mzuri ndeduo moyo kwa kala! Nisowa wasi ingelo muzi aho weke wawa wirikilo ghuchikanyiro na mbenge raro kukorwa?”

NEHEMIA 2:3 Referans Kwoze

NEHEMIA 1:3

Nawo wikanizera kukaia, wandu wisigharikie isangenyi wisebarishiro weko na wasi na kumenywa kubaa. Wurigha ghwa Jerusalemu ghwachikanyiro, na mbenge rawo rikakorwa.

DANIELI 2:4

Wababuloni wikamzera mzuri, “Ee mzuri, dua moyo kwa kala; dighorie isi wadumiki wako iyo ndodo, nesi dichakuwonyera kutambua kwaro.”

1 WAZURI 1:31

Niko Bathsheba ukaghoghoma na kudunga wushu ghwake andonyi kwa ishima ukighamba, “Bwana wapo Mzuri Daudi ndeduo moyo kwa kala.”

DANIELI 5:10

Malkia uendasikira chwaka ra mzuri na wabaa wake wa isanga ukacha karamunyi andenyi ya waza ukaghamba, “Ee mzuri, dua moyo matuku ghose! Maghesho ghako ghisekusumbuo hata fwana yako iseghaluke.

ZABURI 137:6

Ngakaia nisekukumbukie oho Jerusalemu, na kukuwika oho kukaie kuboilwa kwapo kuchumbie, lumi lwapo ndelukakadiane na lwasasa nisebore.

DANIELI 6:21

Niko Danieli ukamtumbulia, “Ee mzuri dua moyo!

DANIELI 6:6

Nao waja wabaa wose, wikapatana na kumghendia mzuri wikamzera, “Ee mzuri Dario, kuduo moyo!

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

2 MALAGHO GHA NGELO 32:33

Hezekia ukafwa sa weke ndee, ukarikwa nalughu ya makaburi gha kivalwa cha Daudi; na wandu wose wa Juda na awo wikaiagha Jerusalemu wikam'bonyera ishima ngelo ya kufwa kwake. Mwana wake Manase ukabonya nguma wulalo ghwake.

2 MALAGHO GHA NGELO 28:27

Ahazi ukafwa sa weke ndee, wikamrika andenyi ya muzi ghwa Jerusalemu, ela ndeweremngirieghe andenyi ya makaburi gha wazuri wa Israeli anduangi. Mwana wake Hezekia ukabonya nguma wulalo ghwake.

2 MALAGHO GHA NGELO 21:20

Jehoramu orekoghe mundu wa irika ja miaka mirongo idadu na iwi iji wazoya kubonya nguma, ukabonya nguma Jerusalemu miaka wunyanya. Wikamrika mzinyi kwa Daudi, ela si makaburinyi gha wazuri anduangi.

DANIELI 3:9

Wikamzera mzuri Nebukadnezari, “Dua moyo ee mzuri!

ZABURI 102:14

Wadumiki wako waikunde Sioni, hata ngera yanonelo; waiwonia wughoma; hata ngera yawurie kitungasi.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

2 WAZURI 25:8

Ituku ja mfungade ja mori ghwa kasanu, mwaka ghwa ikumi na ikenda ghwa kubonya nguma kwa Nebukadnezari mzuri wa Babuloni, Nebuzaradani uo orekoghe mnjama wa Mzuri Nebukadnezari, sena nuo orekoghe m'baa wa majeshi ghake, ukacha Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

NEHEMIA 2:13

Ngafuma nakio na kuidia Mbenge ya Vololonyi, chia ya magharibi; ngaida Kiriwa cha Choka cha kusinyi, hata kuvika Mbenge ya Wuchafu. Ngalawua seji wurigha ghuchikanyiro na mbenge kukorwa.

JEREMIA 52:12

Ituku ja ikumi, ja mori ghwa kasanu, nagho ni mwaka ghwa ikumi na ikenda ghwa kubonya nguma kwake Nebukadnezari mzuri wa Babuloni, uja Nebuzaradani m'baa wa majeshi gha Babuloni, uo orekoghe ukimdumikia mzuri, orengirieghe Jerusalemu.

ESTA 8:6

Ini nicharumaghia wada kuwona ughu wasi ghukiwipata wandu wapo, angu nichadima wada kuwiwona wandu wapo wikibwaghwa?”

ZABURI 38:7

Nawadwa ni homa, hata siko banana anduangi.

ZABURI 102:15

Mbari zima richamuobua BWANA; Wazuri wose wa ndoenyi wichaobua wudimi ghwake.