NEHEMIA 2:17 - Biblia Ilagho Jiboie Kwa Wandu Wose

¹⁷ Niko ngawizera, “Mwawona wasi diko nagho, seji Jerusalemu ivuchukie, na mbenge raro rikorelo! Nndokonyi dighuaghe wurigha ghwa Jerusalemu diseduo na ughu waya.”

NEHEMIA 2:17 Referans Kwoze

EZEKIELI 5:14

Aighu ya agho, nichakubonya kukaie mduu, osholelwa ni mbari rose ra wandu rikumarie chia rose, na kula mundu uidagha chienyi.

NEHEMIA 1:3

Nawo wikanizera kukaia, wandu wisigharikie isangenyi wisebarishiro weko na wasi na kumenywa kubaa. Wurigha ghwa Jerusalemu ghwachikanyiro, na mbenge rawo rikakorwa.

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.

KILILO CHA JEREMIA 3:51

Nawawa ni ngolo kwa kuwona agho ghiwipatire waka wa muzi.

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

ZABURI 79:12

Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

ZABURI 44:13

Kwadibonyere dikaie wesekwa ni wambedu, kudemwa sare na kumenywa ni awo wiko mbai-mbai yedu.

1 SAMUELI 11:2

Ela uo Nahashi, Muamoni ukawizera, “Neko tayari dibonye mapatano kwa masharti agha: Kula umu onyu urumirie kukulwa iriso jake ja kiwomi, na kwa chia iyo nichawibonya Waisraeli wiwoneke kukaia si kindo chingi.”

NEHEMIA 2:13

Ngafuma nakio na kuidia Mbenge ya Vololonyi, chia ya magharibi; ngaida Kiriwa cha Choka cha kusinyi, hata kuvika Mbenge ya Wuchafu. Ngalawua seji wurigha ghuchikanyiro na mbenge kukorwa.

NEHEMIA 2:16

Mndungi wa awo wabaa nderemanyireghe andu naghenda hata agho nerebonyagha, kwa kukaia serekoghe nawighoria Wayahudi wa kedu wakohani, na vilongozi, na wabaa, hata mndungi mzima orekoghe uibonye iyo kazi.

NEHEMIA 3:15

Shalumu mwana wa Kolhoze, m'bonyi nguma wa isanga ja Mispa, oreaghieghe Mbenge ya Ndoria, ukaifinikira; ukangira minyango na vuma varo verugha. Ukaagha wurigha ghwa Kiriwa cha Shela kaavui na mbuwa ya mzuri, hata kuvikia viluwatiro viseagha kufuma Muzi ghwa Daudi.

EZRA 9:9

Isi derekoghe wazumba, ela ndekudisighie wuzumbenyi anduangi. Kwam'bonyere Mzuri wa Pashia udipendelie, na kudirumiria dikaie moyo eri diiaghe Hekalu yako erenoneloghe, sena dikaie banana andenyi ya Juda na Jerusalemu.

ZABURI 44:14

Kwadibonyere dikawuya wandu wetanilwa aghadi ya mbari zima; nawo wadisughusira vongo kwa lumenyo.

ZABURI 102:15

Mbari zima richamuobua BWANA; Wazuri wose wa ndoenyi wichaobua wudimi ghwake.

MIKA 7:11

Wandu wa Jerusalemu, ituku jeagha mawurigha gha Jerusalemu jaawuyacha. Ituku ijo, isanga jako jichachurilwa.