NEHEMIA 13:28 - Biblia Ilagho Jiboie Kwa Wandu Wose

²⁸ Joiada orekoghe mwana wa Mkohani m'baa Eliashibu ela mwana umu wa Joiada oremlowueghe mwai wa Sanbalati, kufuma muzi ghwa Beth-horoni, kwa huwo ngammbinga ufume Jerusalemu.

NEHEMIA 13:28 Referans Kwoze

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

NEHEMIA 12:22

Matuku gha Wakohani Wabaa Eliashibu, Joiada, Johanani, na Jadua vinyumba va Walawi na wakohani vereandikiloghe na kumerelwa ngelo Mzuri Dario orekoghe ukibonya nguma Pashia.

NEHEMIA 12:10

Jeshua orekoghe ndee wa Joiakimu, na Joiakimu orekoghe ndee wa Eliashibu, na Eliashibu orekoghe ndee wa Joiada,

NEHEMIA 3:1

Huwu niko wurigha ghwa muzi ghoreaghiloghe sena. Mkohani m'baa Eliashibu orewukieghe chiaimweri na wakohani wambao wikaagha Mbenge ya Ng'ondi sena; wikaiwika wakfu, na kungira minyango yaro. Wikawika wakfu hata Mnara ghwa Ighana na Mnara ghwa Hananeli.

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

MAKATANISHO 20:26

Mzuri uko na hikima wadasasawua wawiwi, na kuwineka ikabo ibaa.

MAKATANISHO 20:8

Mzuri ukakaria kifumbi chetanya, wadasasawua makosa ghose ughiwonagha.

ZABURI 101:8

Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.

NEHEMIA 13:25

Ngawirasha na kuwiwasira njowe; ngakaba wamu wawo na kuwikokota maridia ghawo; nao ngawighemesha kwa irina ja Mlungu ngighamba, “Msakeloworana na waghenyi angu inyo mmbeni kulowua waka wa mzawo.

NEHEMIA 4:1

Nao iji Sanbalati wasikira kukaia isi Wayahudi daawuyaagha wurigha, ukazamilwa nandighi, na kudiseka kwa lumenyo.

EZRA 10:8

mndungi ukakaia usechee kwa matuku adadu, kwa malaghiro gha wabaa na waghosi uchasokwa mali rake rose; na uo moni uchasighwa kufuma kwa ugho wumweri ghwa wandu wifumie wubarishonyi.