NEHEMIA 13:26 - Biblia Ilagho Jiboie Kwa Wandu Wose

²⁶ Mzuri Solomoni odeshekerelwa kungia kaung'enyi ni waka wa kighenyi. Ndekuwadie mzuri ungi aghadi ya mbari ra wandu orekoghe sa uo. Mlungu oremkundeghe, ukam'bonya ukaie mzuri wa Israeli yose; ela sena waka wa kighenyi wikamshekeria kubonya kaung'a.

NEHEMIA 13:26 Referans Kwoze

1 WAZURI 3:13

Sena nichakuneka agha kuselombie wori; mali na ishima, mzuri ungi usechaakatanishwa na oho matuku ghako ghose.

MCHILI 7:26

Nawonie ilagho jimu jibirie kuchumba kifwa, najo ni muka. Lukundo ukubonyeragha luchakuwada sa mdegho angu nyavu. Ukakuwadia, mikonu yake eeka sa mnyororo angu nyavu. Mundu umkunde Mlungu uchamuinjikia, ela mkaung'a uchawadwa.

2 MALAGHO GHA NGELO 1:12

hikima na kumanya kwanekwa. Wokoni nichakuneka mali, vilambo, na ishima ivo mzuri ungi orekoghe imbiri yako userekoghe navo, hata ungi usechaakaia navo anduangi.”

2 MALAGHO GHA NGELO 9:22

Mzuri Solomoni orewichumbieghe wazuri wose wa ndoenyi kwa mali na hikima.

MAKATANISHO 31:3

Kusaketumia ndighi na pesa rako kwa waka.

1 WAZURI 3:12

ola nichakubonyera kunughana na malombi ghako. Nichakuneka hikima na akili emanya, mndungi usekaie nayo hata usechaakaia nayo nyuma ya oho.

1 WAZURI 4:1

Solomoni orekoghe mzuri aighu ya Israeli yose.

1 WAZURI 21:25

(Ndekuwadie mndungi orekufunyireghe kubonya mawiwi imbiri ya BWANA sa Ahabu, ukilongozwa ni mkake Jezebeli.