NEHEMIA 13:15 - Biblia Ilagho Jiboie Kwa Wandu Wose

¹⁵ Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

NEHEMIA 13:15 Referans Kwoze

NEHEMIA 10:31

Waghenyi wikareda viro angu kilambo chingi chediuzira ituku ja Sabato angu ituku jielie jingi izima; ndedivighuagha kufuma kwawo. Kula mwaka ghwa mfungade, dichasigha mbuwa rihore, na kuleka sile rose.

NEHEMIA 13:21

Ela ngawionya ngiwizera, “Kwaki mlalagha kaavui na wurigha? Mkabonya huwo sena nimmbwada.” Kufuma ngelo rija ndewichecha sena ituku ja Sabato.

KUFUMA 34:21

“Koko na matuku arandadu ghebonya kazi, ela kusebonye kazi ituku ja mfungade, hata ngera ni ngelo relima angu rekuwida.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 17:24

“‘Ela mkanisikira, waghamba BWANA, nao mkaie msedukie misigo na kungia nayo mbengenyi ra muzi ughu ituku ja Sabato, ela muieleshe Sabato, hata msebonye kazi ingi,

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.

KUFUMA 35:2

Mchakaia mkibonya kazi renyu kwa matuku arandadu, ela ituku ja mfungade jichakaia jielie; ni ituku ja wueli; jitengelo kwa wundu ghwa BWANA. Mundu uo ose uchaabonya kazi ituku ijo uchabwaghwa.

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

WAEFESO 4:17

Idana namghoria na kumshuhudia kwa irina ja Bwana, kufuma idana mseghende seji awo wandu wa mbari zima wighendagha kwa wuduu ghwa akili rawo.

WAGALATIA 5:3

Nani namshuhudia sena kukaia, kula mundu urumiriagha kushamishwa, ichakaia suti ukatishe Sharia yose.

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

MABONYO GHA WADUMI 2:40

Na kwa malagho mazima mengi ukawishuhudia na kuwishashira ukighamba, “Mkukire mmbeni na kivalwa ichi chizamie.”

MIKA 6:3

BWANA waghamba, “Ee wandu wapo nam'bonyere wada? Namsirishe ndighi naki? Nitumbulienyi!

JEREMIA 42:19

“BWANA wamzera huwu ee masighariko gha Juda, ‘Mseghende Misri.’ Manyenyi kukaia namghoria idime iji

ZABURI 50:7

“Sikirenyi nighore ee wandu wapo, nichashuhudia aighu yako ee Israeli; sikirenyi nighore; ini ne Mlungu, Mlungu wako.

2 MALAGHO GHA NGELO 24:19

Hata huwo saki Mlungu orekoghe ukiwidumia walodi upate kuwiwunja kwake, nawo wikawishuhudia, ela wandu wikalegha kusikira.

NEHEMIA 13:16

Wandu wa Tiro wokoni awa werekoghe wikikaia Jerusalemu wereredieghe samaki na vilambo vizima va kula mbari na kuviuzira wandu wa Juda na Jerusalemu ituku ja Sabato.

MAKATANISHO 28:4

Awandu wisighie sharia wadakasa wandu wizamie, ela awa wiiwadie sharia wadasimana nawo.

AMOSI 8:5

Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee.

KUFUMA 31:12

Nao BWANA ukamzera Musa,

KUFUMA 31:16

Kwa huwo wandu wa Israeli wichajiwika ituku iji ja Sabato kukaia alama ya ilaghiro na kujitala kwa vivalwa vawo vose.

NEHEMIA 10:32

Dichafunya gramu isanu ra feza kula mundu kwa mwaka kulipia gharama ra Hekalu ya Mlungu odu.

AYUBU 39:12

Kwadima kuisuwiria ikukwanyira makuwido ghako, na kureda viro vako andu kuvichaniagha?