NEHEMIA 13:1 - Biblia Ilagho Jiboie Kwa Wandu Wose

¹ Ngelo chuo cha Musa cherekoghe chikishomelwa wandu kwa lwaka, weresikireghe andu kuandikilo kukaia Muamoni ungu angu M'moabu ungi jingi usengie andenyi ya ikwanyiko ja wandu wa Mlungu.

NEHEMIA 13:1 Referans Kwoze

NEHEMIA 9:3

Wikakaia kimusi andu koni werekoghe na kushoma chuo cha Sharia ya Mlungu wawo kwa masaa adadu, na kwa masaa ghamu adadu, werekoghe wikirumiria na kumtasa Mlungu wawo.

NEHEMIA 13:23

Wokoni ngelo ija nerewonieghe kukaia Wayahudi wengi werelowueghe waka wa Ashdodi, Amoni, na Moabu,

2 WAZURI 23:2

Mzuri ukajoka Hekalunyi andwamweri na wandu wose wa Juda na wa Jerusalemu na wakohani, na walodi, na wandu wose wa ighu na wa ndonyi, ukashoma chija chuo cherewonekieghe andenyi ya Hekalu wikisikira.

MABONYO GHA WADUMI 15:21

Angu kufuma kala Sharia ya Musa eko na wandu awo wimchilagha andenyi ya kula muzi; kwa kukaia yadashomwa andenyi ya sunagogi kula Sabato.”

MABONYO GHA WADUMI 13:15

Vuo va Sharia na maandiko gha walodi viendashomwa, wabaa wa sunagogi wikawidumia malagho wikighamba, “Wanidu, ngera moko na ilagho jingi ja wutesia kwa wandu jighorenyi.”

LUKA 10:26

Jesu ukamtumbulia, “Yaandikilo wada Sharienyi? Kwashomagha wada?”

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.

JEREMIA 48:1

BWANA wa majeshi, uo Mlungu wa Israeli waghamba huwu aighu ya Moabu, “Ni bugha kwa wandu wa Nebo, kwa kukaia muzi ghwawo ghwasighwa mduu. Kiriathaimu yasimwa na kuwadwa, iro ngome rawadwa rikachikanywa, na wandu wawo wafushwa waya.

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

NEHEMIA 4:3

Tobia Muamoni orekwanyenye nao ukaghamba, “Ni wurighaki ughu wawuyaghuagha? Hata mzozo ghukejoka aighu ghuawuduka!”

NEHEMIA 2:19

Ela iji Sanbalati Mhoroni, na Tobia m'baa wa isanga ja Amoni, na Muarabu uwangwaghwa Geshemu wiendasikira huwo, wikadiseka na kudimenya wikighamba, “Niki ichi mwawuyabonya? Mwawuyamlegha mzuri?”

NEHEMIA 2:10

Ela iji Sanbalati mundu wa Beth-Horoni wasikira na Tobia m'baa wa isanga ja Amoni, wikazamilwa nandighi kuwona mndumu wachalola kuwitesia wandu wa Israeli.

MITALO 22:5

ukaduma wandu kwa Balaamu mwana wa Beori uko Pethori, kaavui na Moda ghwa Eufrate isanga ja Amawu, ukammbanga ukighamba, “Ola weko wandu wichee kufuma Misri, waera isanga jose, kudilangaya isi.

NEHEMIA 8:2

Iko aho ituku ja imbiri ja mori ghwa mfungade, mkohani Ezra ukareda icho chuo cha Sharia imbiri ya ikwanyiko ja womi na waka, na wose weredimieghe kusikira na kutambukilwa.