NEHEMIA 12:46 - Biblia Ilagho Jiboie Kwa Wandu Wose

⁴⁶ Kufuma matuku gha Mzuri Daudi na Asafu wa kala, uo orekoghe kilongozi cha wabori, wandu werekoghe wikilongoza chumbo remkasa na kumneka Mlungu chawucha.

NEHEMIA 12:46 Referans Kwoze

2 MALAGHO GHA NGELO 29:30

Mzuri Hezekia na wabaa wikawilaghira Walawi wimkase BWANA wikitumia malagho gha Daudi na mmboni Asafu. Wikabora makaso kwa kuboilwa, wikaghoghoma na kutasa.

ZABURI 83:1

Ee Mlungu kusakenyama kima, kusehore hata kusekaie duu.

ZABURI 73:1

Loli Mlungu ni mucha kwa Israeli, ni mucha kwa awo wielie ngolonyi kwawo.

1 MALAGHO GHA NGELO 9:33

Walawi wamu wiko wabaa wa wamzawo werekoghe wabori, ndewerekoghe na kazi ingi zima nawo werekoghe wikikaia Hekalunyi angu werekoghe na kazi ya kio na dime.

ZABURI 137:4

Didima wada kubora lumbo lwa BWANA a isangenyi ja kighenyi?

NEHEMIA 11:17

Matania mwana wa Mika wawae Zabdi wa kivalwa cha Asafu uo orekoghe kilongozi oboresha chumbo ra malombi ghefunya chawucha, na Bakbukia ukakaia mtesia wake; na Abda mwana wa Shamua, wawae Galali wa kivalwa cha Jeduthuni.