NEHEMIA 10:31 - Biblia Ilagho Jiboie Kwa Wandu Wose

³¹ Waghenyi wikareda viro angu kilambo chingi chediuzira ituku ja Sabato angu ituku jielie jingi izima; ndedivighuagha kufuma kwawo. Kula mwaka ghwa mfungade, dichasigha mbuwa rihore, na kuleka sile rose.

NEHEMIA 10:31 Referans Kwoze

WALAWI 23:3

Matuku arandadu ni ghebonya kazi, ela ituku ja mfungade ni Sabato ehora; mkwanyike kwa wutasi, nenyo msakebonya kazi ingi; ni Sabato kwa BWANA andu uko kose mchaakaia.

KUFUMA 20:10

ela ituku ja mfungade ni Sabato kwa BWANA Mlungu wako. Ituku ijo, kusakebonya kazi ingi; oho, angu mwana wako wa womi, angu mwana wako wa waka, angu mzumba wako wa womi hata wa waka, mfugho rako, angu mghenyi uko andenyi ya mbenge rako.

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

2 MALAGHO GHA NGELO 36:21

Ilagho ja BWANA jereghoreloghe ni Mlodi Jeremia jipate kukatia kwaro, hata isanga jivikie kuboilwa ni sabato raro. Matuku ghose jeresighiloghe iduu jedeeka jikiwadia Sabato hata miaka mirongo mfungade ikatie.

WALAWI 23:21

Ituku ijo, msebonye kazi ingi, ela mkwanyike kwa wutasi. Vivalwa venyu vichanugha sharia ihi matuku ghose ghichagha, andu uko kose wichaakaia.

WALAWI 16:29

“Ihi niyo sharia enugha matuku ghenyu ghose ghichagha: Ituku ja ikumi ja mori ghwa mfungade, Waisraeli wose, na waghenyi wose mkwanye, mchafunga tumu; ndemchaabonya kazi ingi.

KUFUMA 12:16

Ituku ja imbiri mchakaia na ikwanyiko ja kuela, na ituku ja mfungade wokoni mchakaia na ikwanyiko ja kuela; kazi ingi isebonyo agho matuku, ela mwadima kukuboisira vindo.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

WAKOLOSAI 2:16

Kwa huwu mndungi usakemtanya kwa maza ra vindo, angu kunywa, angu kwa wundu ghwa karamu ringi, angu matuku gha Mori Lukombe, angu Sabato.

MATHAYO 6:12

Kudilekie makosa ghedu, sa iji koni isi diwilekie awa widikosere;

KUFUMA 34:16

Wana wenyu wadima kulowua awo waka wa kighenyi, nawo wicham'bonya msekaie waloli kwapo, hata mdime mwatasa milungu yawo.

NEHEMIA 13:23

Wokoni ngelo ija nerewonieghe kukaia Wayahudi wengi werelowueghe waka wa Ashdodi, Amoni, na Moabu,

NEHEMIA 13:27

Da dianugha mfwano ghonyu dileghe kumsikira Mlungu odu kwa kulowua waka wa kighenyi?”