MIKA 7:8 - Biblia Ilagho Jiboie Kwa Wandu Wose

⁸ Kusakeboilwa aighu yapo ee m'maiza wapo; iji naghwa nichawuka; iji nakaia kirenyi, BWANA uchakaia mwengere ghwapo.

MIKA 7:8 Referans Kwoze

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

ISAYA 9:2

Isanga ja kichuku cha Zebluni na Naftali weresumbukieghe ngelo rimu, ela ngelo ra kutua ra isanga iji jichakaia ja ishima kufuma mashariki ya Mediterania hata isanga jiko kimonu cha Jordani, hata Galilaya ya mbari zima.

ZABURI 112:4

Mwengere ghwadalangala akirenyi, kwa wandu wiko wa mvono, na wughoma, na hachi.

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

OBADIA 1:12

Ndekoredimagha kuboilwa ni kusokwa kwa wanyinyu werekoghe Juda. Ndekoredimagha kuboilwa ituku werenonwagha. Ndekoredimagha kuwiseka ngelo wiko andenyi ya wasi ghwawo.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

ZABURI 38:16

Nawialomba tu, “Kusesighe awo wikukasagha aighu yapo wiboilo iji naghwa.”

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

AYUBU 31:29

“Jingi seboilwa ni kutota kwa m'maiza wapo, hata kwa uo kupatwa ni mawiwi ghangi.

ZABURI 97:11

Wahachi walangalishirwa mwengere, na awo wiko na ngolo ndicha waboilwa.

EZEKIELI 35:15

Sa iji koreboiloghe aighu ya ifwa ja wandu wa Israeli, angu wei isanga jeresighiloghe iduu, huwo koni nichakubonyera agho gheni: mghondi ghwa Seiri, na isanga jose ja Edomu jichasighwa iduu putu. Niko wichamanya kukaia ini ne BWANA.

ZABURI 35:19

Kusewisighe awo winisuagha duu wiboilo aighu yapo; na awo wizamilwagha ni ini duu, kusewisighe wikinikunyiria meso.

JOHANE 16:20

Namghoria loli, inyo mchalila na kudikwa ni mbori, ela wurumwengu ghuchaboilwa, mchakaia na wasi, ela wasi ghonyu ghuchaghaluswa kukaia kuboilwa.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

EZEKIELI 25:6

“Ini Bwana MLUNGU naghamba huwu: Kwa kukaia morekabieghe chui renyu na kuvina mkiboilwanya na mawiwi gherekoghe aghadi konyu kwa wundu ghwa isanga ja Israeli,

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

AMOSI 9:11

BWANA waghamba, “Ituku jichacha nani nichaghuwunja wuzuri ghwa Daudi ghoreghueghe sa nyumba ighue na kunoneka. Nichaagha mawurigha gharo na kughimangisha. Nichaghuagha na kughuwika sa iji ghorekoghe imbiri.

MATHAYO 4:16

Wandu awo werekoghe kirenyi, waghuwona mwengere m'baa. Na kwa awo werekoghe isangenyi na kiju cha kifwa, mwengere ghwalangala kwawo.”

JEREMIA 50:11

BWANA waghamba, “Hata ngera mwaboilwa na kukujosa ee wandu wa Babuloni; inyo mmbwadagha na kusoka mbari ya wandu wa ifwa japo; hata ngera mwarama-rama sa tagho ya ng'ombe ifashagha ngano, na kukema sa farasi ya womi,

ISAYA 49:9

Kuchawizera wafungwa, ‘Choonyi shwa-shwa;’ na awo wiko kirenyi ‘Fumenyi worinyi.’ Wichakaia wikija na kughuda chienyi, wichawona malisho hata andu kuko kuduu mighondinyi,

ISAYA 2:5

Idana ee kivalwa cha Jakobo, ndedighende kwa mwengere ghwa BWANA.

ZABURI 37:24

Ukeduakuwa, ndechaaghwa; kwa kukaia BWANA uchammazira kwa mkonu ghwake.

ZABURI 37:21

Mundu mmbiwi wadakopa, ela ndewunjagha; ela mhachi oko na ishima, nao wadaneka.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

2 WAKORINTHO 4:9

datirirwa, ela ndedisighilo diekeri; daghushwa andonyi, ela ndeditoteshwagha anduangi.

ZABURI 20:8

Wichadumbuka na kughwa; ela isi dichawuka na kumanga kimusi.

JEREMIA 8:4

BWANA ukanizera nighore na wandu wake huwu, “Wandu wikaghwa-lee, ndewiwukagha? Mundu ukawuya nyuma, ndeheagha sena anguwada?

JEREMIA 48:27

Welee ndemoremsekieghe Israeli? Huwo modemmbona aghadi ya vitoi iji moremdedagha mkisughusa vongo venyu?

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

MIKA 4:10

Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako.

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZABURI 143:3

M'maiza wapo waninughie; waniwadie ukanisima. Waningirie kifungonyi cha kira; nani neeka sa wandu wifue kokala.