MIKA 7:6 - Biblia Ilagho Jiboie Kwa Wandu Wose

⁶ Ngelo iri, wana wawuyawibonya weke ndee sa wakelu; wai wiatangala weke mae, waka wa wana wiarashana na wakeku wawo. Wamaiza wa mundu ni aweni wa nyumbenyi kwake.

MIKA 7:6 Referans Kwoze

LUKA 12:53

Wichawaghanyika na kutangalana, ndee mwana na mdawana wake, mdawana na ndee, muka na mwai wake, mwana wa waka na mae, mkeku na mka-mwanwake, mkamwana na mkekwake.”

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

ZABURI 41:9

Hata mghenyi wapo wa ngolonyi, umoni neremrumirieghe dikajanya vindo vapo, waghalukie ulo nani.

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

JOHANE 13:18

“Siwueghora huwu kwa inyo mmbose anduangi, angu nawiichi awa niwisaghue, ela ni suti Maandiko ghikatie, agho ghighambagha, ‘Uo dijanye vindo vapo, waghalukie ulo nani.’

MAKATANISHO 30:11

Weko wandu wiewiagha weke ndee, hata ndewiwifunyiragha chawucha weke mae.

LUKA 21:16

Mchafunywa hata ni wavi wenyu, wanyinyu, wandu wa kichuku, na waghenyi wenyu, na wamu wenyu mchabwaghwa.

MATHAYO 26:23

Jesu ukatumbulia, “Uo ushingiagha mkate ghwake bakuli imweri nani, nuo uchaanifunya.

OBADIA 1:7

Waghenyi wako weekukalia; wakuwingie kufuma isangenyi jako. Wandu werekoghe na sere na oho, wakusima. Waghenyi wako morejanyagha wakudeghia shaghala; waghora aighu yako, ‘Ugho wuing'oni orekoghe nagho ghuao?’

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 12:6

Kwa kukaia wanyinyu, ni wandu wa nyumbenyi kenyu, hata awo weni wakubonyere mikalo, waawuyakema wikilwa na oho; kusewiwurie hata ngera wakuja malagho ghiboie.”

MAKATANISHO 30:17

U mundu umsekagha ndee, na kummenya mae, iriso jake jichakulwa ni ngorusa ra vololonyi, na kujighwa ni nderi.

2 SAMUELI 16:11

Daudi ukamzera Abishai na wabaa wake wose, “Ikakaia mwana wapo tiki waawuyalola kunifunya irangi japo, ni kuchumba saki uhu M'benjamini? Msighenyi uniewie, kewada ni BWANA wamzera.

KUZOYA 49:4

Kwaramie mwano sa machi mengi, ela ndekuchaakaia imbiri, angu koreghujokieghe wuli ghwa ndeyo; kukaghulusha ugho wuli ghwa ndeyo.

ISAYA 9:19

BWANA wajikora isanga kwa wundu ghwa machu ghake, na wandu wakaia sa mbande, hata ndekuwadie mndungi ummboniagha mruna wughoma anduangi.

JEREMIA 9:4

Kula mundu ndekulindie na mmbao, na mndungi usekaie na irumirio kwa mruna, kwa kukaia kula mundu mruna ni mkalii, na kula mmbenyu ni mzighirii.

ISAYA 3:5

Wandu wichakorongana weni na weni, kula mundu na mmbao, na kula mundu na mmbenyu; wandu wa irika ndewichaawitala waghosi, na awo wa ndonyi ndewichaawitala wabaa.