MIKA 6:7 - Biblia Ilagho Jiboie Kwa Wandu Wose

⁷ Ngafunya maelfu gha bauru na mavuda mengi BWANA uboilwa? Niamfunyira mwana wapo wa imbiri kulipia kaung'a rapo anguwada?

MIKA 6:7 Referans Kwoze

2 WAZURI 16:3

ela ukanugha mabonyo gha wazuri wa Israeli. Na kuchumba oremfunyireghe mwana wake ukaie kizongona chekora kwa milimu karakara na mizango izamie ya iro mbari ra wandu BWANA orewiwingieghe imbiri ya wandu wa Israeli.

ZABURI 51:16

Ndekuboilwagha ni vizongona, kumangu nakufunyira; ndekuboilwagha ni vizongona vekora anduangi.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

JEREMIA 7:31

Waaghie madhabahu Tofethi andenyi ya Vololo ya Hinomu eri wipate kukora wana wawo wa womi na wa waka modonyi kwa kuwifunya kizongona; ilagho niserewilaghirieghe, hata jingi jisengia andenyi ya maghesho ghapo.

ZABURI 50:9

Sina haja na njau ingi kufuma kwako, angu fwandi ingi kufuma chaghenyi kwako.

2 WAZURI 23:10

Mzuri Josia ukalusha Tofethi wulalo ghotasira milimu, ghuko vololonyi ya wana wa Hinomu, eri mndungi usewuefunya mwana ungi wake kizongona chekora, kwa ghuja mlungu Moleki.

2 WAZURI 21:6

Ukamfunya mwana wake ukaie kizongona chekora, ukakufundisha kulaghua na kurighita na kulomba njama kwa wandu wa pepo na wasawi; ukam'bonyera BWANA kaung'a na kum'bonya ujoko ni machu.

2 WAZURI 3:27

Niko ukammbwada mwana wake wa womi um'baa, nao nuo orewadagha wuzuri wulalo ghwake; ukamfunya ukaie kizongona chekora aighu wurighenyi ghwa muzi, kwa mlungu ghwa Moabu. Waisraeli wikajokwa ni machu loli loli, wikawuya nyuma na kughala kula mundu nyumbenyi kwake.

ISAYA 40:16

Midi yose ya Lebanoni ndeikatagha kwa mbande, hata nyamandu raro nderikatagha kwa kufunya kizongona chekora.

WALAWI 18:21

Kusefunye mwana ungi wako kukorwa kizongona kwa mlungu Moleki na kujilusha irina ja Mlungu wako; Ini ne BWANA.

FILEMONI 1:12

Naawuyammbunja kwako, nao moni ni ngolo yapo cheni.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

EZEKIELI 23:37

Wabonyere wulaki na kubwagha; watasire milimu yawo, na kuifunyira vizongona va wana wawo winivaie.

JEREMIA 19:5

na kuagha madhabahu kwa wundu ghwa Baali, wipate kukora wana wawo wa womi aighu modonyi wikaie sa kizongona chekora; ilagho jingi nisewizerie hata kujighora, hata jingi nisejighesha.

AYUBU 29:6

Mfugho rapo rerekoghe rikifunya mariwa mengi; na mizeituni yapo izoghuye aghadi ya ndoe ra magho-magho, ikanineka mavuda mengi.

WATANYI 11:39

Nao kutua kwa meri iwi, ukawuya kwa ndee, nao ukam'bonyera kara kara na ighemi jake orejibonyereghe, uo moni nderemmanyireghe mndwawomi ungi jingi. Ghukawuya ni mzango andenyi ya Israeli,

WATANYI 11:31

niko uo ose uchaafuma mnyango ghwa nyumba yapo, kunimara ngelo ngiwuya nyuma ya kusima, nichamfunya kwako ukaie kizongona chekora.”

WALAWI 20:1

BWANA ukamzera Musa,

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

ISAYA 1:1

Mawono gha Isaya mwana wa Amozi, oreghiwonieghe kwa wundu ghwa Juda na Jerusalemu; matuku gha Uzia, Jothamu, Ahazi, na Hezekia wazuri wa Juda.

HOSEA 5:6

Wafunya mfugho rawo vizongona wikimlola BWANA, ela ndevitesiagha. Ndewimmbonagha angu uwisighie.

ZABURI 51:18

Kukunde kuibonyera Sioni nicha ee Mlungu; kughiaghe sena mawurigha gha Jerusalemu.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.