MIKA 6:4 - Biblia Ilagho Jiboie Kwa Wandu Wose

⁴ Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

MIKA 6:4 Referans Kwoze

WUKUMBUSO 7:8

Ela ni angu BWANA umkunde, nao waawuyajimazira ighemi jake ijo orewighemieghe weke ndeyo, ukamfunya kwa kudima kwake kubaa, na kumkombua kufuma nyumba ya wuzumba, na kufuma kwa ndighi ra mzuri wa Misri.

KUFUMA 12:51

Ituku jija jeni, BWANA ukaghiwifunya majeshi gha wandu wa Israeli wifume isanga ja Misri.

AMOSI 2:10

Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

JEREMIA 32:21

Oho korewiredieghe wandu wako Israeli kufuma isanga ja Misri kwa alama na mashiniko, na kwa mkonu ghwako ghwa ndighi ghoobosha.

2 SAMUELI 7:23

Ni mbari iyao ndoenyi iko sa wandu wako Israeli, awo koreghendieghe kuwikombua wikaie wandu wako, eri kukupatire kumoni irina, na kuwibonyera maza ra mashiniko; kwa kuwinga imbiri kwawo mbari chiaimweri na milungu yawo?

MITALO 12:1

Nao Miriamu na Haruni wikadeda kiwiwi aighu ya Musa kwa wundu ghwa kulowua muka Mkushi.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

MABONYO GHA WADUMI 7:36

Ukawifunya na kuwighenja, nyuma ya kubonya mashiniko na weke mwakilimbiti Misri, na Bahari ya Shamu, na kireti kwa miaka mirongo ina.

ZABURI 77:20

Oho korewighenjereghe wandu wako sa ng'ondi kukiwitumia Musa na Haruni.

WUKUMBUSO 24:18

ela kumanye korekoghe mzumba Misri, na BWANA Mlungu wako ukakukombua kufuma aho; niko nawuyakulaghira kubonye huwo.

WUKUMBUSO 15:15

Kumbukenyi angu nenyo wori morekoghe wazumba isanga ja Misri, na BWANA Mlungu onyu ukamkombua; niko nawuyakulaghira huwo idime.

WUKUMBUSO 9:26

Ngamlomba BWANA, ‘Ee Bwana MLUNGU, kusakewitotesha wandu wako, ifwa jako; awo korewikombueghe kwa ndighi rako mbaa na kudima, kukawifunya Misri.

WUKUMBUSO 5:6

“BWANA ukaghamba, ‘Ini ne Mlungu wako, uo orekufunyireghe isanga ja Misri; kufuma nyumba ya wuzumba.

WUKUMBUSO 4:34

Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

KUFUMA 4:16

Uchadedanya na wandu wulalo ghwako na oho kuchakaia sa Mlungu, kumneka agho ufwane kughora.

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

KUFUMA 3:10

Idana nichakuduma kwa Mzuri, kupate kuwifunya wandu wapo, awo wana wa Israeli wifume Misri.”

KUFUMA 4:10

Ela Musa ukaghamba, “Ee, BWANA, wapo, ini siichi kudeda, hata sidimie kudeda nicha kufuma kwazoya kughora nani mdumiki wako; nadadeda mboa mboa, sena nadaghughumia.”

MITALO 33:1

Ivi nivo vipalo va wandu wa Israeli werekoghe wikidunga kambi kunughana na vichuku vawo nyuma ya kufuma isanga ja Misri, wikilongozwa ni Musa na Haruni.

1 SAMUELI 12:6

Samueli ukachuria kuwizera wandu, “Uo BWANA nuo orewisaghueghe Musa na Haruni, ukawijosa chiaimweri na weke ndeyo kufuma isanga ja Misri.

KUFUMA 6:27

Awo niwo wandu wereghorieghe na mzuri wa Misri uwilekerie wandu wa Israeli wifume Misri.