MIKA 5:9 - Biblia Ilagho Jiboie Kwa Wandu Wose

⁹ Israeli ichawisima wamaiza wake na kuwitotesha wose.

MIKA 5:9 Referans Kwoze

ISAYA 26:11

Mkonu ghwako ghwawusirwa ighu ghukabe ee BWANA, ela ndewighuwonagha. Ndewiwone kufunga ndighi kwako kwa wundu ghwa wandu wako, wipate kufwa waya. Modo ghuwikilo kwa wundu ghwa wamaiza wako, ndeghuwimerie.

ZABURI 21:8

Uchawiwada wamaiza wake wose kwa ndighi rake; uchawiwada awo wose wizamilwagha ni uo.

ISAYA 11:14

Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

ZABURI 10:12

Wuka ee BWANA, kuwonyere ndighi rako ee Mlungu, kusakewiliwa awo wikorongwagha.

1 WAKORINTHO 15:25

Angu ni suti Kristo ubonye nguma, hata Mlungu wameria kuwisima wamaiza wake wose, na kuwiwika aisi ya maghu ghake.

LUKA 19:27

Ela awa wamaiza wapo wiserekundieghe niwibonyere nguma, wiredenyi aha muwibwaghe imbiri kwapo.’”

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 33:10

BWANA waghamba, “Idana nichawuka, nichajoswa na kunekwa wubaa ghwapo.

ISAYA 1:25

Nichammbwada kwa mkonu ghwapo, na kumuoghosha sa chuma; nichamuelesha seji chuma chieleshwagha kwa modo; na kuinja wuwiwi ghonyu ghose.

ZABURI 106:26

Kwa huwo ukaghema kukaia uchawisigha wifo kireti.

HAGAI 2:22

Nichabingilisha mawuzuri na kurimeria ndighi ra mawuzuri gha iro mbari. Nichaghibingilisha magare gha wuda na awo wighijokagha; farasi richafwa na wajoki farasi waro wichabwaghana weni na weni.

ZEKARIA 9:10

BWANA waghamba, “Nichainja magare gha wuda kufuma Israeli, na farasi kufuma Jerusalemu; na ndana ra wuda richanonwa. Mzuri onyu uchabonya sere ikaie aghadi ya mbari ra wandu; na nguma yake ichaera kufuma bahari hata bahari, na kufuma Moda ghwa Eufrate hata kutua kwa ndoenyi.”